1. رۋبە قالاسى, فرانتسيا
بەلگيامەن شەكارادا ورنالاسقان كىشكەنە قالاشىقتا ۇيلەر باعاسى - 1€. باعدارلاما ماقساتى: قالا ءومىرىن جانداندىرۋ. كەمشىلىكتەرى: ءۇيدى ءوز قاراجاتىڭىزعا قالپىنا كەلتىرەسىز جانە 5 جىل كولەمىندە ونى ساتۋعا بولمايدى.
2. كوبريدج, انگليا
ستاففوردشير جومارتتىق اكتسياسىنىڭ ماقساتى: ۇيلەرگە ەكىنشى ءومىر بەرىپ , قالانى جاڭارتۋ. كوبريدج قالاسىندا 1€ تۇراتىن ون شاقتى ءۇي بار. دەسە دە, 1€ - بۇل تەك باستاپقى سالىم. كەلىسىمشارتتا ءۇي يەسى 30 مىڭ فۋنت ستەرلينگ كولەمىندە نەسيە الۋى كەرەك نەمەسە ءۇيدى قالپىنا كەلتىرەتىن قاراجاتى بار ەكەنى جونىندە دالەلى بولۋى قاجەت. 5 جىل ىشىندە ءۇيدى ساتۋعا تىيىم سالىنادى.
3. ليۆەرپۋل, انگليا
ساتىلاتىن ۇيلەر ەنفيلد اۋدانىندا ورنالاسقان. باعدارلاما ماقساتى: ەسكى ۇيلەردى جاڭارتۋ, قالىپقا كەلتىرۋ. ساتىلىم الدىندا قالا بيلىگى ۇيلەردى جوندەۋدەن وتكىزەتىن بولادى. ايتا كەتەرلىگى ۇسىنىس تەك ليۆەرپۋل تۇرعىندارىنا عانا ارنالعان.
4. كاررەگا-ليگۋرە, يتاليا
كاررەگا-ليگۋرە باسشىلارى اۋداننىڭ بوساپ قالۋىن الدىن الاتىن جوبا ويلاپ تاپقان. بۇل ادام ەڭ از تۇراتىن اۋدانداردىڭ ءبىرى. ەسەسىنە, ەكولوگياسى تاماشا. باسپانانى تەك ەكولوگيالىق ماتەريالداردى قولدانۋ ارقىلى قالىپقا كەلتىرۋ كەرەك. جانە بۇرىنعى ءتۇرىن وزگەرتۋگە تىيىم سالىنعان.
5. حوككايدو ارالى, جاپونيا
حوككايدو ارالىنىڭ باسشىلارى جەردى تەگىن تاراتۋدا. ءبىر عانا شارت: 3 جىل ىشىندە سول جەرگە ءوز ءۇيىڭدى سالىپ, رەسمي تۇردە تۇراقتاۋ كەرەك. جانە 2 ايدىڭ ىشىندە جوندەۋ جۇمىستارىن باستاپ كەتۋىڭىز قاجەت.
6. لەچچە-نەي-مارسي, يتاليا
قالاشىقتا ۇيلەردى 1€-عا ساتىپ جاتىر. جەرگىلىكتى مەكەنگە تىركەلۋ شارت ەمەس. الايدا نوتاريۋستىڭ بارلىق شىعىندارىن وتەيسىز, جانە دە رەكونسترۋكتسيا جوباسىن دايىندايسىز.
7. راپپوتتەنشتەين, اۋستريا
بۇل ەلدى مەكەن سولتۇستىك اۋستريادا ورنالاسقان. حالىق سانى كۇرت ازايعان ەلدى مەكەن باسشىلارى 2009 جىلى جەردى تەگىن بەرە باستادى. تەك 10 جىلدىڭ ىشىندە وتباسىلى بولۋى قاجەت. بىراق 3 جىلدىڭ ىشىندە جەردىڭ جاڭا يەلەرى ءۇي سالۋعا مىندەتتى. ولاي بولماعان جاعدايدا, 12 مىڭ € كولەمىندە ايىپپۇل تولەيتىن بولادى.
8. گاندجي, يتاليا
تاريحي شاھاردىڭ حالىق سانى ازايىپ جاتىر, سوندىقتان, بۇل جاقتا ۇيلەر 1€-عا ساتىلادى. كۇردەلى جوندەۋدى قاجەت ەتەتىن ۇيلەردى تەگىن , ال جاعدايى جاقسى ۇيلەردى 100$-عا ساتىپ جاتىر. ايتا كەتەرلىگى, ۇيلەردىڭ جاعدايى وتە ناشار. ساتىپ الۋشى جوندەۋ جۇمىستارىن ءوز قالتاسىنان جۇرگىزەتىن بولادى. وعان قوسا, قۇجاتتاردى راسىمدەۋ 6000 € تۇرادى.
9. شان دە بيۋل, فرانتسيا
388 تۇرعىنى بار ەلدى مەكەندە جەر 1 شارشى مەترى 1€-عا ساتىلادى. وكىنىشتىسى, ساتىپ الۋشىنىڭ مىندەتتى تۇردە بالاسى, وتباسى بولۋى ءتيىس. ۇلت پەن ازاماتتىلىق ماڭىزدى ەمەس.
