پرەزيدەنت • 13 ءساۋىر، 2021

مەملەكەت باسشىسىنىڭ قازاقستان حالقىن رامازان ايىنىڭ باستالۋىمەن قۇتتىقتاۋى

120 رەت كورسەتىلدى

قادىرلى وتانداستار!

بارشاڭىزدى قاسيەتتى رامازان ايىنىڭ باستالۋىمەن شىن جۇرەكتەن قۇتتىقتايمىن!

 

بۇل – كۇللى مۇسىلمان قاۋىمى ءۇشىن رۋحاني تۇرعىدان جاڭارۋ كەزەڭى. سونداي-اق ورازا ايىندا ءوزارا سىيلاستىق پەن مەيىرىم، ىزگى­لىك پەن كەشىرىم سياقتى اسىل قاسيەت­تەر دارىپتەلەدى. جۇرت كو­مەك­كە مۇقتاج جاندارعا قول ۇشىن بەرىپ، قايىرىمدىلىق كورسە­تۋ­گە، ساۋاپتى ءىس اتقارۋعا ۇمتى­لادى.

يسلام ءدىنىنىڭ وسىنداي مىز­عىماس رۋحاني قۇندىلىقتارى مەن جا­سامپازدىق الەۋەتى قوعامى­مىزداعى بىرلىك پەن ىنتىماقتى ودان ءارى نىعايتۋعا ىقپال ەتەدى.

وكىنىشكە قاراي، بيىل دا را­مازان ايى كۇردەلى كەزەڭدە وتەتىن بولدى. جۇقپالى دەرتتى اۋىزدىقتاۋ ءۇشىن بارلىق شارا جاسالۋدا. ەلىمىزدەگى مۇسىلمان جاماعاتىن قاۋىپسىزدىك تالاپتارىن ساقتاۋعا، قازاقستان مۇسىلماندارى ءدىني باسقارماسىنىڭ ۇسىنىمدارىن مۇلتىكسىز ورىنداۋعا شاقىرامىن.

ءبىز بۇل سىناقتى اۋىزبىرشىلىك پەن جاۋاپكەرشىلىكتىڭ ارقاسىندا ەڭسەرەتىنىمىز ءسوزسىز.

تۇتقان ورازالارىڭىز قابىل بولسىن!

ەلىمىزگە اماندىق، ءار شا­ڭى­راققا باق-بەرەكە تىلەيمىن!

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار