ايماقتار • 12 ءساۋىر، 2021

توبىل قالاسىندا تۇڭعىش ۇلتتىق ونەر ورتالىعى اشىلدى

43 رەت كورسەتىلدى

توبىل قالاسىنداعى «التىن ءدان» مادەنيەت ۇيىندە «شاڭىراق»  اتتى تۇڭعىش ونەر ورتالىعى اشىلدى، دەپ حابارلايدى Egemen.kz.

جەرگىلىكتى ونەرپازداردىڭ ايتۋىنشا، اتالمىش ورتالىق قوستاناي اۋدانىنداعى قازاق ءداستۇرلى ونەرىنىڭ دامۋ بەلەسىندەگى ايتۋلى وقيعالاردىڭ ءبىرى بولىپ تابىلادى.

ۇلتتىق ورتالىقتىڭ تۇساۋكەسەر راسىمىنە وبلىستىق مادەنيەت باسقارماسىنىڭ باسشىسى ەرلان قالماقوۆ، اۋدان اكىمىنىڭ ورىنباسارى يبراحيم بەكمۇحامەتوۆ، ءوڭىردە ءداستۇرلى ونەردى ناسيحاتتاپ جۇرگەن ءانشى-جىرشى، تەرمەشى، كۇيشىلەر مەن اۋداندىق مادەنيەت ءۇيىنىڭ  قىزمەتكەرلەرى قاتىستى.  

- «رۋحاني جاڭعىرۋ» باعدارلاماسى باستالعان ءتورت جىل ىشىندە قانشاما جۇمىستار اتقارىلىپ جاتىر، كوپتەگەن جوبالار جۇزەگە اسىرىلدى. ءبىزدىڭ توبىل-تورعاي وڭىرىندە ۇلتتىق ونەردى ناسيحاتتاۋعا باعىتتالعان جۇمىستار جاندانىپ، جاڭا دەڭگەيگە كوتەرىلدى. مىسالى، ءبىز ساعىن جالمىشەۆ اتىنداعى ءداستۇرلى دومبىراشىلار بايقاۋىن، نۇرجان ناۋشاباەۆ اتىنداعى ءداستۇرلى انشىلەر بايقاۋىن وتكىزىپ كەلەمىز. الداعى ۋاقىتتا قوبىزشىلار بايقاۋىن ءداستۇرلى تۇردە وتكىزەمىز دەگەن وي بار. وسى شارالاردىڭ بارلىعى دا وڭىردە ۇلتتىق ونەرىمىزدى ناسيحاتتاپ،  وسكەلەڭ ۇرپاقتىڭ بويىنا ءسىڭىرۋ ماقساتىندا جۇزەگە اسىرىلىپ جاتىر.  ال ەندى بۇگىنگى ورتالىققا كەلەتىن بولساق، قازىگى تاڭدا اۋداندىق، سونداي-اق اۋىلدىق مادەنيەت ۇيلەرى مەن كلۋبتار مۇمكىندىگىنشە ۇلتتىق ونەرىمىزدىڭ وركەن جايۋىنا ۇلەس قوسىپ، ءبىراز جىلداردان بەرى وسى باعىتتا تاباندى ەڭبەك ەتىپ كەلەدى. الايدا بۇعان دەيىن اۋدان ورتالىقتارىندا قازاقتىڭ قادىمنان جالعاسىپ كەلە جاتقان ءداستۇرلى ونەرءىنىڭ ءار ءتۇرلى جانرلارىن ءارى قاراي جانداندىراتىن  ۇيلەستىرۋ ورتالىعى بولعان جوق. سوندىقتان تاۋەلسىزدىگءىمىزدىڭ 30 جىلدىعى قارساڭىندا جانە «رۋحاني جاڭعىرۋ» باعدارلاماسىنىڭ اياسىندا اشىلىپ جاتقان تۇڭعىش ورتالىق الداعى ۋاقىتتا ءار جەردە، ءار اۋىلدا جۇرگەن ءداستۇرلى ونەر وكىلدەرى مەن ۇجىمداردىڭ باسىن ءبىر ارناعا توعىستىرىپ، ۇلتتىق ونەردىڭ ىلگەرى باسۋىنا ۇيتقى بولادى دەپ سەنەمىن. بۇل ورتالىققا كەلءىپ، دومبىرا، كۇي، جىر، تەرمە ۇيرەنەمىن دەيتىن، بويىندا ازعانتاي بولسا دا ونەر ۇشقىنى بار كەز كەلگەن جاستاعى ادامعا ەسىك اشىق، دەدى ەرلان قالماقوۆ.

«شاڭىراق» ۇلتتىق ونەر ورتالىعىنىڭ العا قويىپ وتىرعان ماقساتتارىنىڭ ءبىرى - كۇي ونەرىن  دامىتۋ، وبلىستاعى كاسىبي كۇيشىلەردى تارتا وتىرىپ، تالاپتى بالالارعا، اۋەسقوي دومبىراشىلارعا ارنالعان شەبەرلىك سىنىپتارىن، ۇيىرمە جۇمىستارىن جانداندىرۋ بولىپ تابىلادى. سالتاناتتى راسىمدە بەلگىلى بولعان تاعى ءبىر ءسۇيىنشى جاڭالىق، تاياۋدا عانا رەسپۋبليكالىق كۇيشىلەر وداعىنىڭ قوستاناي وبلىستىق فيليالى قۇرىلىپتى. وداق فيليالىنىڭ تىزگىنءىن ۇستاعان وڭىرگە بەلگىلى كۇيشى باتىربەك باينازاروۆجينالعان كوپشىلىككە وبلىستىق كۇيشىلەر وداعى الداعى ۋاقىتتا جاڭا تۇساۋى كەسىلگەن ۇلتتىق ونەر ورتالىعىنىڭ قابىرعاسىندا جۇمىس ىستەيتىنىن جەتكىزدى.

- «شاڭىراق» ورتالىعى بولاشاقتا تەك قوستاناي اۋدانىنىڭ عانا ەمەس، وزگە دە وڭىرلەردەگى كۇيشىلەردىڭ باسىن قوسىپ، ءوزارا تاجىريبە الماساتىن ۇلكەن ونەر ورداسىنا اينالادى. بىرنەشە جىلدان بەرى جۇمىس ىستەپ جاتقان رەسپۋبليكالىق كۇيشىلەر وداعىنىڭ فيليالى بيىل العاش رەت قوستاناي وبلىسىندا دا قۇرىلدى. باستى ماقساتىمىز – ەل ىشىندە كۇيشىلىك ونەردى دامىتۋ، كەزىندە وسى وڭىردە ونەر ءدانىن شاشقان اتاقتى كۇيشى-كومپوزيتورلاردىڭ مۇراسىن ناسيحاتتاپ، ءداستۇرلى مەكتەپ قالىپتاستىرۋعا تالپىنىس جاساۋ، سونداي-اق وبلىسىمىزداعى داۋلەسكەر كۇيشىلەرىمىزدى ەل كولەمىندە ءوتىپ تۇراتىن رەسپۋبليكالىق، حالىقارالىق دەڭگەيدەگى بايقاۋلار مەن فەستيۆالدارعا جىبەرۋ، دەدى وبلىستىق فيليال جەتەكشىسى  باتىربەك باينازاروۆ.  

توبىل قالاسى وبلىس ورتالىعىنا ءتيىپ تۇر، ونىڭ ۇستىنە مۇندا ۇلتتىق ساز اسپاپتارى ءانسامبلى، قازاق ۇلتتىق وركەسترى بار. ءداستۇرلى ونەردى ومىرىنە ازىق ەتكەن ونەرپازدار دا وسى اۋداننان ءجيى شىعادى. سوندىقتان  ۇلتتىق ونەرءدىڭ ءورىسىن كەڭەيتۋگە جول اشاتىن تۇڭعىش ورتالىقتىڭ دا وسىقوستاناي اۋدانىندا اشىلۋى زاڭدى سياقتى.

سالتاناتتى شارا سوڭىندا «شاڭىراق» ۇلتتىق ونەر ورتالىعىنىڭ ماماندارى جينالعانداردى «تۇلعالار تۇعىرى» اتتى قاناتقاقتى جوبامەن تانىستىردى. جوبانىڭ ماقساتى اۋدان تۇرعىندارىنا وڭىردە ۇلتتىق مادەنيەتتىڭ دامۋىنا ەلەۋلى ۇلەس قوسقان ونەر قايراتكەرلەرىنىڭ ءومىرى مەن شىعارماشىلىعىن ناسيحاتتاۋ.  

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

ۇقساس جاڭالىقتار