مەديتسينا • 12 ءساۋىر، 2021

ءمامس: 2025 جىلعا قاراي قىمبات مەديتسينالىق قىزمەتتەر قارجىلاندىرىلادى

39 رەت كورسەتىلدى

ەگەر 2021 جىلى مەديتسينالىق ساقتاندىرۋ قورى 950 مىڭعا جۋىق قىمبات مەديتسينالىق قىزمەتتى قارجىلاندىرۋدى جوسپارلاسا، 2025 جىلعا قاراي ولاردىڭ سانى 1 355 مىڭعا دەيىن ارتادى.

قر دەنساۋلىق ساقتاۋ مينيسترلىگىندە مىندەتتى الەۋمەتتىك مەديتسينالىق ساقتاندىرۋ ء(مامس) ەسەبىنەن قىمبات تۇراتىن مەديتسينالىق قىزمەتتەردىڭ قولجەتىمدىلىگى ماسەلەلەرى تالقىلاندى.

قازىرگى ۋاقىتتا بىرقاتار وڭىرلەردە مەديتسينالىق ۇيىمداردىڭ تەحنيكالىق جاراقتاندىرىلۋىنىڭ تومەن بولۋىنا بايلانىستى حالىق ءۇشىن وسى قىزمەتتەرگە قولجەتىمدىلىك دەڭگەيىنىڭ تومەندىگى بايقالۋدا. قولجەتىمدىلىكتىڭ ەڭ تومەن دەڭگەيى تۇركىستان، قوستاناي، اقتوبە جانە الماتى وبلىستارىندا بايقالادى. دەنساۋلىق ساقتاۋ مينيسترلىگىندە اتاپ وتكەندەي، قوستاناي، الماتى جانە تۇركىستان وبلىستارىنىڭ اكىمدىكتەرىنە مەملەكەتتىك-جەكەشەلىك ارىپتەستىك اياسىندا قوسىمشا جابدىقتار ساتىپ الىپ، ينۆەستيتسيالاردى بەلسەندى تارتۋ قاجەت بولىپ تابىلادى.

ء«اربىر ەمحانا ءوزىنىڭ بەكىتىلگەن حالقىن قىمبات قىزمەتتەرگە باعىتتاۋ جونىندەگى جوسپارلاردى انىقتاۋى، سونداي-اق پاتسيەنتتەردىڭ قىزمەتتەردى ۋاقتىلى الۋى ءۇشىن مارشرۋتىن بەلگىلەۋى ءتيىس. مەرزىمى 10 كۇننەن اسپاۋى كەرەك. ونكولوگيالىق اۋرۋلارعا كۇدىك تۋىنداعان كەزدە الەۋمەتتىك ماڭىزى بار جانە سوزىلمالى اۋرۋلارى بار پاتسيەنتتەردى قىمبات تۇراتىن قىزمەتتەرمەن قامتاماسىز ەتۋ ماڭىزدى»، دەپ اتاپ ءوتتى قر دسم ءمامس ۇيلەستىرۋ دەپارتامەنتىنىڭ ديرەكتورى گۇلجان شايحىبەكوۆا

قىمبات تۇراتىن قىزمەتتەردىڭ قولجەتىمدىلىگىن ارتتىرۋ جونىندەگى وتىرىسقا الەۋمەتتىك مەديتسينالىق ساقتاندىرۋ قورىنىڭ، وبلىستاردىڭ، نۇر-سۇلتان، الماتى، شىمكەنت قالالارىنىڭ دەنساۋلىق ساقتاۋ باسقارمالارىنىڭ، مەديتسينالىق ۇيىمداردىڭ وكىلدەرى قاتىستى.

وتىرىس بارىسىندا مينيسترلىك مەديتسينالىق ساقتاندىرۋ قورىنا، دەنساۋلىق ساقتاۋ باسقارمالارىنا، مەديتسينالىق ۇيىمدار مەن ۋچاسكەلىك دارىگەرلەرگە ارنالعان ءىس-شارالار جوسپارىن ۇسىندى. بۇل جوسپاردى جۇزەگە اسىرۋ ءۇشىن بارلىق مۇددەلى ۇيىمداردىڭ ۇيلەسىمدى جۇمىسى جانە مەديتسينالىق ۇيىمدارمەن ۇنەمى كەرى بايلانىس قاجەت، دەپ اتاپ ءوتتى دەنساۋلىق ساقتاۋ مينيسترلىگى.

سونىمەن قاتار، گۇلجان شايحىبەكوۆا دەنساۋلىق ساقتاۋ مينيسترلىگى تاراپىنان بەرىلگەن نەگىزگى تاپسىرمالارعا نازار اۋداردى.

ماسەلەن، وبلىستاردىڭ، رەسپۋبليكالىق ماڭىزى بار قالالاردىڭ دەنساۋلىق ساقتاۋ باسقارمالارى حالىقتىڭ قاجەتتىلىگىن 100% قامتاماسىز ەتۋ ءۇشىن قىمبات تۇراتىن قىزمەتتەردىڭ ءتيىستى كولەمىنە وتىنىمدەردى ۋاقتىلى قالىپتاستىرۋدى، ءوڭىردىڭ دەنساۋلىق ساقتاۋ ينفراقۇرىلىمىن دامىتۋ مونيتورينگىن، مەديتسينالىق ۇيىمدار بولىنىسىندە قىمبات تۇراتىن قىزمەتتەردىڭ 100% قولجەتىمدىلىگىن قامتاماسىز ەتۋ مونيتورينگىن، ولاردىڭ جوسپارىنا سايكەس ءىس-شارالاردى ورىنداۋدى قامتاماسىز ەتۋى قاجەت. سونداي-اق، مەديتسينالىق قىزمەتتەرگە كەزەكتەردىڭ پايدا بولۋىن بولدىرماۋ ماقساتىندا ءمجا وبەكتىلەرى مەن جەكە سەكتوردى تارتا وتىرىپ، دەنساۋلىق ساقتاۋ وبەكتىلەرى بويىنشا پاتسيەنتتەردى باعدارلاۋدى ازىرلەۋ جانە ۇيىمدار مەن حالىققا جەتكىزۋ قاجەت;

الەۋمەتتىك مەديتسينالىق ساقتاندىرۋ قورى دەنساۋلىق ساقتاۋ سۋبەكتىلەرىنە كورسەتىلەتىن قىزمەتتەر كولەمىن ۋاقتىلى ورنالاستىرۋدى، كورسەتىلەتىن قىمبات تۇراتىن قىزمەتتەردىڭ كولەمى مەن ساپاسى بويىنشا شارتتىق مىندەتتەمەلەردىڭ ورىندالۋىنا مونيتورينگتى، قىمبات تۇراتىن قىزمەتتەردىڭ قولجەتىمدىلىگىنە قاتىستى حالىقتىڭ جۇگىنۋلەرىنە مونيتورينگتى جانە وڭىرلەر بولىنىسىندە قىمبات تۇراتىن قىزمەتتەردى كورسەتۋ بويىنشا اقپارات ۇسىنۋدى جالعاستىرۋى قاجەت;

مەديتسينالىق ۇيىمدار مەديتسينالىق قىزمەتكەرلەر اراسىندا قىمبات تۇراتىن قىزمەتتەردى كورسەتۋ شارتتارى بويىنشا وقىتۋ جانە ءتۇسىندىرۋ جۇمىستارىن جۇرگىزۋ، قىمبات تۇراتىن قىزمەتتەردى كورسەتۋ بويىنشا بىرلەسىپ ورىنداۋ شارتتارىن ۋاقتىلى جاساسۋ، جولدامالاردى ۋاقتىلى ۇسىنۋدى ىشكى باقىلاۋ جانە پاتسيەنتتەردىڭ قىزمەتتەردى الۋىن باقىلاۋ قاجەت.

«نۇر وتان» پارتياسىنىڭ «وزگەرىس جولى: اركىمگە لايىقتى ءومىر!» سايلاۋالدى باعدارلاماسىنىڭ وسى ءىس-شاراسىنىڭ ورىندالۋىنا مونيتورينگ جۇرگىزۋ تۇراقتى نەگىزدە جۇزەگە اسىرىلاتىنىن اتاپ وتكەن ءجون.

سوڭعى جاڭالىقتار

ۇقساس جاڭالىقتار