وقيعا • 10 ءساۋىر، 2021

كيىك ءمۇيىزىنىڭ 293 داناسى تاركىلەندى

18 رەت كورسەتىلدى

نۇر-سۇلتان قالاسىنىڭ پد قىزمەتكەرلەرى كيىك ءمۇيىزىنىڭ ءىرى پارتياسىن تاركىلەۋ بويىنشا ارنايى وپەراتسيا وتكىزدى، دەپ حابارلايدى Egemen.kzء ىىم ءباسپاسوز قىزمەتىنە سىلتەمە جاساپ.

«بيىلعى جىلدىڭ 9 ساۋىرىندە كيىك ءمۇيىزىنىڭ ءىرى پارتياسىن ساتۋ كەزىندە ءىرى قىلمىستىق توپ ۇستالدى. ارنايى وپەراتسيا قاراعاندى وبلىسى پد-مەن بىرلەسە جۇرگىزىلدى. ولار 55، 52 جانە 44 جاستاعى ەكى ەلوردا جانە ءبىر قاراعاندى وبلىسىنىڭ تۇرعىندارى بولىپ شىقتى. نۇر-سۇلتاندا تۇراتىن ولاردىڭ ەكەۋى ەلوردادان كيىك مۇيىزدەرىن ساتۋ نارىعىن ىزدەپ، كەيىننەن قاراعاندى وبلىسىنىڭ اۋماعىندا ساتپاقشى بولعان. ۇستاۋ كەزىندە 293 دانا ءمۇيىز تاركىلەندى ء(ىرى پارتيا)»، دەلىنگەن حابارلامادا.

مەملەكەتكە الدىن الا كەلتىرىلگەن شىعىن كولەمى ازىرگە شامامەن 500 ميلليون تەڭگە دەپ ەسەپتەلىپ وتىر.

«كۇدىكتىلەردىڭ تۇراتىن جەرى مەن ولاردىڭ بايلانىستارىنىڭ التى مەكەنجايى بويىنشا ءبىر ۋاقىتتا ءتىنتۋ جۇرگىزىلىپ، ايعاق زاتتار مەن دالەلدەمەلەر الىندى. سونىمەن قاتار، ەسىرتكى زاتتارى تاركىلەندى. اتالعان فاكتى بويىنشا قر قك-ءنىڭ 393-بابى بويىنشا قىلمىستىق ءىس قوزعالدى»، دەيدى ءىىم-نەن.

قازىر بارلىق كۇدىكتىلەر ۋاقىتشا ۇستاۋ يزولياتورىنا قامالىپ، تەرگەۋ جۇرگىزىلىپ جاتىر.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار