ادەبيەت • 09 ءساۋىر، 2021

قازاقستان ەتنوستارىنىڭ وكىلدەرى جايىندا ەنتسيكلوپەديا جارىق كوردى

151 رەت كورسەتىلدى

ت.ق. جۇرگەنوۆ اتىنداعى قازاق ۇلتتىق ونەر اكادەمياسىندا قازاقستان ەتنوستارىنىڭ وكىلدەرى، سونىڭ ىشىندە ەڭبەگى ەلەۋلى تۇلعالار جايىندا تىڭ دەرەكتەر جيناقتالعان ەنتسيكلوپەديانىڭ تۇساۋكەسەرى ءوتتى، دەپ حابارلايدى Egemen.kz.

«ونەر مەن مادەنيەتتەگى قازاقستان ەتنوستارىنىڭ وكىلدەرى: ەسىمنامالار ەنتسيكلوپەدياسى» اتتى باسىلىم قحا قازاقستان حالقى اسسامبلەياسى قىزمەتىنىڭ «كوپەتنوستى قازاقستاندىق قوعامدى توپتاستىرۋ جالپىۇلتتىق يدەيانىڭ نەگىزى رەتىندەگى» عىلىمي باعىتىنىڭ باستاماشىل جوباسى جانە «مادەنيەت پەن ونەر سالاسىنىڭ باسەكەگە قابىلەتتىلىگىن ارتتىرۋ، قازاقستاندىق مادەني مۇرانى ساقتاۋ، زەردەلەۋ مەن تانىمال ەتۋ» باعدارلاماسى نەگىزىندە دايىندالعان.

جيىن ت.ق.جۇرگەنوۆ اتىناعى قازۇوا رەكتورى اقان ابدۋاليەۆتىڭ العى سوزىمەن باستالدى. «تۇلعالار ەنتسيكلوپەدياسى وقىرمانداردى ءتۇرلى ەتنوستاردىڭ وكىلدەرىمەن، ولاردىڭ تاۋەلسىز مەملەكەتتىڭ قالىپتاسۋى مەن دامۋىنا قوسقان ۇلەسىمەن تانىستىرادى. بۇل – ەل مەن ەلدىڭ اراسىنداعى بىرلىكتى بەكەمدەي تۇسەر قادام ەكەنى كامىل» دەي كەلە، ەڭبەكتىڭ جارىق كورۋىنە كۇش سالعان، اتسالىسقان بارشاسىنا العىس ءبىلدىردى. «ماتەريالداردى جيناپ، باسپاعا دايىنداعان قحا عسك مۇشەسى، ت.ق.جۇرگەنوۆ اتىنداعى قازۇوا پرورەكتورى، س.ع.د. ش.امىربەكوۆ جانە قحا عسك مۇشەسى، ت.ع.د.، پروفەسسور م.شايمەردەنوۆا. اتالمىش ەنتسيكلوپەديا قحا جانە قر قولدانبالى ەتنوساياسي زەرتتەۋلەر ينستيتۋتىنىڭ قولداۋىمەن جارىق كورىپ، اكادەميانىڭ عىلىمي كەڭەسىمەن ۇسىنىلدى. وسىناۋ يگىلىكتى باستاماعا ۇلەسىن قوسقان بارشا ازاماتتارعا العىسىمدى بىلدىرەمىن»، دەدى ا.ابدۋاليەۆ.

جيىننىڭ ەڭ ماڭىزدى تۇسى – كىتاپتىڭ تانىستىرىلىمىن ت.ق. جۇرگەنوۆ اتىنداعى قازۇوا پروفەسسورى، ت.ع.ك.، حاا اكادەميگى، قحا مۇشەسى، قحا عسك مۇشەسى مەڭدىعانىم شايمەردەنوۆا جاسادى.

قورىتىندى كەزەكتە، قاتىسۋشى قوناقتارعا ءسوز بەرىلىپ، پىكىر الماسۋ بولدى. «مادەنيەت – جان ازىعى. مەنىڭشە، جاستار ءومىر ءسۇرىپ وتىرعان ەلىنىڭ وركەندەۋىنە قالتقىسىز قىزمەت ەتكەندەردىڭ ەسىمىن، ءجۇرىپ وتكەن جولىن ءبىلۋى، تانۋى كەرەك. ءبىز – ءبىر ەلمىز. ەلباسى ن.ءا.نازارباەۆتىڭ باستاماسىمەن قازاقستان حالقى اسسامبلەياسى قۇرىلدى. وسىنداي بەيبىت مەملەكەتتە عۇمىر كەشىپ جاتقانىمىزبەن ماقتانامىز!»، دەدى قحا مۇشەسى، الماتى قالاسىنداعى  «اريانا» – اۋعان ەتنومادەني بىرلەستىگىنىڭ توراعاسى احمادۋللا ۆوستوك. 

شاراعا قر پارلامەنتى ءماجىلىسىنىڭ دەپۋتاتتارى، ءال-فارابي اتىنداعى قازۇۋ مەن ت.ق. جۇرگەنوۆ اتىنداعى قازۇوا پروفەسسورلىق-وقىتۋشىلىق قۇرامى، ستۋدەنتتەر، ماگيسترانتتار، دوكتورانتتار، قحا مۇشەلەرى، قحا الماتىداعى عسك مۇشەلەرى، قر اقدم «قوعامدىق كەلىسىم» رمم وكىلدەرى، «قحا «شاڭىراق» كافەدرالار قاۋىمداستىعى» رقب توراعاسى مەن وكىلدەرى، رەسپۋبليكالىق ەمب جەتەكشىلەرى، بەلسەندىلەرى، جاستار، رەسپۋبليكالىق دوستىق ءۇيىنىڭ وكىلدەرى، عىلىمي جانە شىعارماشىلىق ينتەلليگەنتسيا اتسالىستى.

سونداي-اق، الىس جانە جاقىن شەتەلدەردەن: اۆستريا، رەسەي، رەسەي فەدەراتسياسى رەسپۋبليكالارىنىڭ قۇرمەتتى قوناقتارى – ەۋرازيا حالىقتارى اسسامبلەياسىنىڭ مۇشەلەرى، رەسەي حالىقتارى اسسامبلەياسى كەڭەسىنىڭ مۇشەلەرى، عالىمدارى قاتىستى.

قاتىسۋشىلار ەنتسيكلوپەديا بويىنشا ءالى دە كەلەلى جۇمىستاردىڭ جاسالاتىندىعىن العا تارتىپ، بولاشاقتا باسىلىم قوسىمشالارىنىڭ شىعاتىندىعىنا سەنىم ءبىلدىرىپ، اۆتورلارعا ۇلكەن ءۇمىت ارتتى.

ءتۇرلى ۇلت وكىلدەرىنىڭ باسىن قۇراعان دوڭگەلەك ۇستەل، رۋحانيات قورجىنىن تولىستىرعان ەنتسيكلوپەديانىڭ جارىق كورۋىمەن قۇتتىقتاۋ لەگىمەن، ۇيىمداستىرۋشىلارعا قاراتا ايتىلعان العىس سوزدەرمەن  ءتامامدالدى.

سوڭعى جاڭالىقتار

جىلقى قيىنان قاعاز شىعاردى

ايماقتار • بۇگىن، 09:23

بالۋان شولاقتىڭ دومبىراسى

ونەر • بۇگىن، 09:00

جازعا سالەم جولدايىق

ونەر • بۇگىن، 08:55

جىلقىشى اۋىلدىڭ جاقسىلىعى

ايماقتار • بۇگىن، 08:54

قانمەن جازىلعان كارتينالار

تاريح • بۇگىن، 08:45

ستۋدەنتتەردىڭ ءسوز سايىسى

ونەر • بۇگىن، 08:41

وڭتايلى ونلاين اۋكتسيون

تەحنولوگيا • بۇگىن، 08:35

قولدى بولىپ جاتقان قاراۋسىز مال

ايماقتار • بۇگىن، 08:30

براكونەرگە بۇعاۋ بولماي ما؟

ايماقتار • بۇگىن، 08:28

2021 جىل – قالپىنا كەلۋ كەزەڭى

كوروناۆيرۋس • بۇگىن، 08:25

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ۇقساس جاڭالىقتار