كەزدەسۋ بارىسىندا تاراپتار ىنتىماقتاستىقتى ودان ءارى دامىتۋ جونىندە پىكىر الماستى.
اتالعان مەموراندۋم تاراپتارعا قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ تۇركى ينتەگراتسياسىن قالىپتاستىرۋداعى جانە دامىتۋداعى ءرولىن زەردەلەۋ بويىنشا بىرلەسكەن عىلىمي-زەرتتەۋ جوبالارىن جۇزەگە اسىرۋعا مۇمكىندىك بەرەدى.
ەلباسى كىتاپحاناسىنىڭ ديرەكتورى باقىتجان بەرىكباي ۇلى تۇركى اكادەمياسى تاراپىنان اتقارىلىپ جاتقان جۇمىستاردى جوعارى باعالاپ, اكادەميا باسشىسىنىڭ ارنايى كەلۋىنە ريزاشىلىعىن ءبىلدىردى.
«تۇركى كەڭەسىنىڭ قۇرمەتتى توراعاسى بولىپ سانالاتىن نۇرسۇلتان نازارباەۆ يدەيالارىن جۇزەگە اسىرۋ تۇركى اكادەمياسىنىڭ دا ماڭىزدى ماقساتى. سوندىقتان بۇل باعىتتا ەلباسى كىتاپحاناسى ءبىزدىڭ سەنىمدى سەرىكتەسىمىز بولا الاتىنى ءسوزسىز», دەدى دارحان قىدىرالى.
مەموراندۋمعا سالتاناتتى قول قويۋ راسىمىنەن سوڭ دارحان قىدىرالى تۇركى اكادەمياسى ءار جىلداردا شىعارعان 70 عىلىمي ەڭبەكتى ەلباسى كىتاپحاناسى قورىنا سىيعا تارتتى.
