قوعام • 08 ءساۋىر، 2021

ەلوردادا جاڭا قوعامدىق كەڭىستىكتەر اباتتاندىرىلادى

5 رەت كورسەتىلدى

ەلوردانىڭ ۋربانيستيكا ورتالىعى قالا تۇرعىندارىمەن قوعامدىق كەڭىستىكتى اباتتاندىرۋ بويىنشا قوعامدىق تالقىلاۋلار وتكىزەدى. وسىنداي كەزدەسۋلەردىڭ قورىتىندىسى بويىنشا بەيسەكباەۆ جانە سەيفۋللين كوشەلەرىندەگى جاڭا الاڭداردىڭ ەسكيزى دايىندالادى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

ۆوركاۋت-ايماق، ءتۇرلى جاتتىعۋ قۇرىلعىلارى بار سپورت-ايماق، يتتەردى سەرۋەندەتۋگە ارنالعان الاڭ. اتى اتالعان ورىندار بەيسەكباەۆ كوشەسى 21، 21/1 جانە سەيفۋللين كوشەسى 69، 69/2 ۇيلەرىنىڭ جانىنداعى اۋلا كەڭىستىگىنىڭ تۇجىرىمدامالىق شەشىمىندە قاراستىرىلعان. مۇنداي شەشىمگە قالا تۇرعىندارى مەن ۋربانيستيكا ورتالىعىنىڭ وكىلدەرى توقتالدى.

جوبا اياسىندا بىرنەشە ويىن الاڭى، وتىراتىن ورىندارى بار تىنىش جەر، كيىم كەپتىرۋگە ارنالعان ورىن، كولىك تۇراعى كوزدەلگەن. سونىمەن قاتار، اۋماقتى كوگالداندىرۋ دا جوسپارلانىپ وتىر. جوبانى بيىل ىسكە اسىرۋ جوسپارلانۋدا. جۇمىس «نۇر-سۇلتان – جايلى قالا» ماستەر-جوسپارى بويىنشا جۇرگىزىلىپ جاتىر.

قوعامدىق تالقىلاۋ – اۋلانى بىرىگە وتىرىپ جوبالاۋدىڭ ءبىر بولىگى.

«ەستەرىڭىزگە سالا كەتەيىك، بەلسەندىلەردىڭ ۋربانيستەرمەن بىرلەسكەن جۇمىسىنىڭ ءمانى – تۇرعىندار ءوز اۋلاسىندا قانداي وزگەرىستەر بولعانىن انىقتايدى. سونىڭ نەگىزى بويىنشا تىلەكتەرگە سۇيەنە وتىرىپ، جوبالىق شەشىم جاسالىپ، يدەيا جۇزەگە اسىرىلادى. جوبالاۋ الدىندا ەلوردالىق ۋربانيستەر ساۋالناما جۇرگىزىپ، قالا تۇرعىندارىنىڭ ءوتىنىشىن جينايدى. تۇرعىندارمەن كەزدەسۋلەردە كوماندالىق ديزاين-ويىن وتكىزىلەدى. ناتيجەسىندە، جاڭا قوعامدىق كەڭىستىكتى جايلاستىرۋ بويىنشا ەسكيزدىك ۇسىنىس پايدا بولادى»، – دەپ اتاپ ءوتتى ۋربانيستيكا ورتالىعىندا.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار