قوعام • 08 ءساۋىر، 2021

بيىل كوپبالالى وتباسىلارعا 69،2 ملرد تەڭگە جاردەماقى بەرىلدى

42 رەت كورسەتىلدى

2021 جىلعى قاڭتاردان ناۋرىزعا دەيىن كوپبالالى وتباسىلارعا بەرىلەتىن مەملەكەتتىك جاردەماقى تولەمدەرىمەن جالپى سوماسى 69،2 ملرد تەڭگەگە ورتا ەسەپپەن 437،2 مىڭ وتباسى قامتىلدى. 2021 جىلعى ناۋرىزدا جاردەماقىنىڭ بۇل ءتۇرىن 444،3 مىڭ وتباسى جالپى سوماسى 23،6 ملرد تەڭگەگە الدى، دەپ حابارلايدى Egemen.kz.

اتالعان مەملەكەتتىك جاردەماقىعا 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى.

2021 جىلى تولەم مولشەرى بالالاردىڭ سانىنا بايلانىستى 46 760 تەڭگەدەن (4 بالا) 81 852 تەڭگەگە (7 بالا) دەيىن سارالاندى، 8 بالاعا – 93 344 تەڭگە، 9 بالاعا – 105 012 تەڭگە، 10 بالاعا – 116 680 تەڭگە، 11 بالاعا – 128 348 تەڭگە، 12 بالاعا – 140 016 تەڭگە، 13 بالاعا – 151 684 تەڭگە، 14 بالاعا – 163 352 تەڭگە، 15 بالاعا – 175 020 تەڭگە، 16 بالاعا – 186 688 تەڭگە.

ەسكە سالا كەتەيىك، كوپبالالى وتباسىلارعا ولاردىڭ كىرىستەرىن ەسەپكە الماي بەرىلەتىن جاڭا مەملەكەتتىك جاردەماقى قازاقستاندا 2020 جىلدىڭ 1 قاڭتارىنان باستاپ اتاۋلى الەۋمەتتىك كومەك كورسەتۋدىڭ جاڭا تەتىكتەرىندە كوزدەلگەن تابىسى از جانە كوپبالالى وتباسىلاردى قولداۋدىڭ ءۇش نەگىزگى باعىتى شەڭبەرىندە ەنگىزىلگەن بولاتىن.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار