ايماقتار • 07 ءساۋىر، 2021

اتىراۋدا حالىقارالىق ىزدەۋدە جۇرگەن 3 قىلمىسكەر ۇستالدى

51 رەت كورسەتىلدى

اتىراۋ قالاسى اۋماعىندا 17-18 ناۋرىز ارالىعىندا «ىزدەستىرۋ» بىرلەسكەن وپەراتسياسى اياسىندا حالىقارالىق ىزدەۋدە جۇرگەن  ءۇش ازامات ۇستالدى، دەپ حابارلايدى Egemen.kz Polisia.kz سايتىنا سىلتەمە جاساپ.

ولاردىڭ ءبىرى – وزبەكستان رەسپۋبليكاسىنىڭ 38 جاستاعى ازاماتى رەسەي فەدەراتسيانىڭ قىلمىستىق كودەكسىنىڭ 160-بابىنىڭ 4-بولىمىمەن نەگىزدەلگەن قىلمىستىق قۇقىق بۇزۋشىلىق جاساپ ىزدەۋدە جۇرگەن. قالالىق پوليتسيا قىزمەتكەرلەرىمەن قىلمىسكەر ۇستالىپ، قولحاتپەن جىبەرىلدى.

سونداي-اق 2 ءساۋىر كۇنى قاراقالپاقستان رەسپۋبليكاسىنىڭ قىلمىستىق كودەكسىنىڭ 165-بابى 2-بولىممەن كوزدەلگەن قىلمىستىق ارەكەت جاساپ، تەرگەۋدەن بوي تاسالاپ، ىزدەۋدە جۇرگەن قىلمىسكەر ۇستالدى. قۇرىقتالعان 1985 جىلى تۋعان وزبەكستان رەسپۋبليكاسىنىڭ ازاماتىنا قاتىستى بۇلتارتپاۋ شاراسى «قاماۋعا الۋ» سانكتسيالانىپ، قاماۋعا الىندى.

قازىر ۇستالعاندار تۋرالى اقپارات قر ىشكى ىستەر مينيسترلىگىنە جانە ىزدەۋ جاريالاعان شەتەلدىك ارىپتەستەرگە جولداندى.

سونىمەن قاتار رەسەي فەدەراتسياسى ۆولگوگراد قالاسىنىڭ پوليتسيا قىزمەتكەرلەرىمەن بىرلەسكەن ءىس-شارا كەزىندە قازاقستان رەسپۋبليكاسى قىلمىستىق كودەكسىنىڭ 257-بابى 3-بولىمىمەن نەگىزدەلگەن قىلمىستىق قۇقىق بۇزۋشىلىق جاساپ ىزدەۋدە جۇرگەن 31 جاستاعى ازاماتى رف-نىڭ كراسنودارسك قالاسىنىڭ №6 تۇزەۋ كولونياسىندا (6 يك) قاماۋدا ەكەنى انىقتالدى.

جالپى جىل باسىنان بەرى قىلمىستىق جاۋاپكەرشىلىكتەن جالتارعان 47 ادام تىركەلگەن.

اسا اۋىر قىلمىس جاساعانى ءۇشىن ىزدەۋدەگى ادامداردىڭ سونداي-اق ۇيىمداسقان قىلمىستىق توپتاردىڭ قاتىسۋشىلارى مەن ليدەرلەرىنىڭ جۇرگەن جەرىن انىقتاۋ جانە ۇستاۋ بويىنشا جەدەل ىزدەستىرۋ ءىس شارالار كەشەنىن وتكىزۋ ۇيىمداستىرىلۋدا.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار