جەرگىلىكتى اتقارۋشى جانە قورعانشىلىق ورگاندارى, قوعام بەلسەندىلەرى بەينەكامەرالارداعى جازبالار بويىنشا مونيتورينگ جۇرگىزىپ, فاكتىلەرى انىقتالعان جاعدايدا بىرىگىپ دابىل قاعىپ, ءتيىستى شارالار قولدانادى.
بەينەباقىلاۋ جۇيەلەرى مەنشىك نىسانىنا قاراماستان, مەملەكەتتىك, سونداي-اق جەكەمەنشىك مەكتەپكە دەيىنگى جانە ورتا ءبىلىم بەرۋ ۇيىمدارىندا ورناتىلعان. بۇگىنگى تاڭدا ەلىمىزدەگى بالاباقشالار مەن مەكتەپتەردىڭ بارلىعى دەرلىك بەينەكامەرالارمەن قامتاماسىز ەتىلگەن.
ء«بىلىم بەرۋ ۇيىمدارىندا ورناتىلعان بەينەكامەرالاردىڭ ارقاسىندا ءبىز بالالاردىڭ قۇقىقتارىن بۇزۋ جانە ولارعا قاتىگەزدىك تانىتۋ فاكتىلەرىن دەر كەزىندە انىقتاپ, جەدەل شارا قولدانا الامىز. سوڭعى ۋاقىتتا بالالارعا قاتىستى مۇنداي فاكتىلەر كوبەيگەن سياقتى بولىپ كورىنۋى مۇمكىن, بىراق ول ولاي ەمەس. شىن مانىندە, مۇنداي جاعدايلار تۋرالى كوپشىلىك ورناتىلعان كامەرالار ارقىلى بىلە باستادى. قولدا بار بەينەجازبالاردى پايدالانا وتىرىپ, ءتيىستى ورگاندار بالالاردىڭ قۇقىقتارىن قورعاۋ بويىنشا جەدەل شەشىمدەر قابىلداپ جاتىر», دەدى قر بعم بالالاردىڭ قۇقىقتارىن قورعاۋ كوميتەتى توراعاسىنىڭ ورىنباسارى يۋليا وۆەچكينا.
