سۇحباتتاستار ەكىجاقتى ىنتىماقتاستىقتىڭ قازىرگى احۋالى مەن بولاشاق دامۋىن, سونىمەن بىرگە وڭىرلىك جانە حالىقارالىق كۇن تارتىبىندەگى وزەكتى ماسەلەلەردى تالقىلادى. مينيسترلەر ساۋدا-ەكونوميكالىق ىنتىماقتاستىقتى ارتتىرۋ جولدارىن قاراستىردى.
Cىرتقى ساياسات ۆەدومستۆولارىنىڭ باسشىلارى كاسپي تەڭىزى ءوڭىرىن دامىتۋ ماسەلەلەرى بويىنشا بىرلەسكەن جۇمىستاردى ۇيلەستىرۋگە باسا نازار اۋداردى.
سونىمەن قاتار, تاراپتار بۇۇ, اوسشك, يىۇ, ەىۇ جانە باسقا حالىقارالىق جانە وڭىرلىك ۇيىمدار شەڭبەرىندەگى ءوزارا ءىس-قيمىلدى وڭ باعالاپ, بۇل باعىتتاعى جۇمىستاردى جالعاستىرۋعا كەلىستى.
كەلىسسوزدەر ناتيجەسىندە تاراپتار قر مەن ير سىرتقى ىستەر مينيسترلىكتەرى اراسىنداعى ىنتىماقتاستىق باعدارلاماسىنا قول قويدى.
بۇگىن يراننىڭ سىرتقى ىستەر ءمينيسترى سونداي-اق قازاقستان پرەزيدەنتى قاسىم-جومارت توقاەۆتىڭ قابىلداۋىندا بولادى.
