ە. سىزدىقوۆ ءمالىم ەتكەندەي, 2021 جىلى ەلوردا اۋماعىندا تاسقىن سۋدىڭ الدىن الۋ بويىنشا كەشەندى جوسپار بەكىتىلدى. وعان سايكەس سۋ باسۋ قاۋپى بار 29 ۋچاسكە بەلگىلەندى. 2019 جانە 2020 جىلدارمەن سالىستىرعاندا ۋچاسكەلەر سانى 8-گە ازايدى.
«2020 جىلدىڭ قازان ايىنان باستاپ سۋ تاسقىنى كەزەڭىن وتكىزۋگە دايىندىق بويىنشا كەشەندى جۇمىس باستالدى. اۋداندىق كوميسسيالاردىڭ دەربەس قۇرامى بەكىتىلدى. قالانىڭ بارلىق تۇرعىن الاپتارى, ونىڭ ىشىندە يلينكا, ءوندىرىس, كوكتال-1, كوكتال-2, جەلەزنودوروجنىي, پريگورودنىي جانە وڭتۇستىك-شىعىس تۇرعىن الاپتارى ەسەپكە الىندى. سۋ تاسقىنى قاۋپى بار 29 ۋچاسكەدە ازاماتتىق قورعاۋ ورگاندارىنىڭ توبى تۇراقتى دايىندىققا كەلتىرىلدى, سونداي-اق قۇرامىندا 200-گە جۋىق ادام بار كوممۋنالدىق قىزمەتتەردىڭ كۇشتەرى مەن قۇرالدارى, 130-دان استام تەحنيكا جانە 20-دان استام ءورت ءسوندىرۋ سورعى ستانتسيالارى بەكىتىلگەن», دەدى سپيكەر.
ونىڭ مالىمەتىنشە, 2021 جىلدىڭ 7 ساۋىرىندەگى جاعداي بويىنشا اۋدان اكىمدىكتەرى قالا اۋماعىنان 7 ملن تەكشە مەترگە جۋىق قار شىعاردى, 180 مىڭ تەكشە مەترگە جۋىق ەرىگەن قار سۋى سورىلدى.
«كۇن سايىن استانا سۋ قويماسىنا مونيتورينگ جۇرگىزىلەدى. سونداي-اق ەسىل وزەنى مەن سارىبۇلاق ارناسىنىڭ جاعالاۋىن نىعايتۋ, ءتۇبىن تەرەڭدەتۋ جانە تۇزەتۋ, مايبالىق كولىنەن نۇرا-ەسىل ارناسىنا دەيىن سۋ بۇرۋ كانالىن ورناتۋ جۇمىستارى جالعاسىپ جاتىر», دەپ اتاپ ءوتتى سىزدىقوۆ.
