سوندىقتان ازاماتتىق قورعاۋ ورگاندارى قىزمەتكەرلەرىنىڭ اراسىندا جامان ينفەكتسيانىڭ الدىن الۋ جانە وعان جول بەرمەۋ ماقساتىندا 2021 جىلعى 5 ساۋىردە پەتروپاۆل قالاسىنىڭ №2 ەمحاناسىندا سولتۇستىك قازاقستان وبلىسىنىڭ توتەنشە جاعدايلار دەپارتامەنتىنىڭ 65 قىزمەتكەرىنە ۆاكتسينا ەگىلدى. ءىس-شارانىڭ الدىندا ۇلكەن پروفيلاكتيكالىق جۇمىس جۇرگىزىلىپ, ونى وتكىزۋدىڭ قاجەتتىلىگى ءتۇسىندىرىلدى, جادىنامالار تاراتىلدى. ەمحانا وكىلى, ەپيدەميولوگ دارىگەر فاريدا مۇحامەدجانوۆامەن كەزدەسۋ ۇيىمداستىرىلدى.
بەلگىلەنگەن كۇنى دەنساۋلىق ساقتاۋ مەكەمەسىنىڭ دالىزدەرىندە بارلىق قاجەتتى قاۋىپسىزدىك شارالارى مەن الەۋمەتتىك قاشىقتىقتى ساقتاي وتىرىپ, وزدەرى ءۇشىن وسىنداي جاۋاپتى جانە ماڭىزدى شەشىم قابىلداعانداردىڭ ءبارى تۇردى. ارينە تولقۋلار دا بولماي قالعان جوق, بىراق ۆاكتسينا پاندەميانى قۇرىقتاۋدىڭ جالعىز امالى ەكەندىگىنە دەگەن سەنىم باسىم بولدى.
