د. ۆارادي قر پرەمەر-ءمينيسترىنىڭ ا.ج. ناۋرىز ايىنداعى ءباا-گە ساپارى اياسىندا قول جەتكىزىلگەن «ابۋ-دابي – الماتى» جانە «ابۋ-دابي – نۇر-سۇلتان» باعىتتارى بويىنشا «WizzAir»-دىڭ تۇراقتى جولاۋشىلار اۋە تاسىمالىن باستاۋ تۋرالى ۋاعدالاستىقتىڭ ىسكە اسىرىلۋ بارىسى تۋرالى باياندادى.
سونىمەن قاتار تاراپتار حالىقارالىق بيزنەس جانە تۋريستىك قوعامداستىق قىزىعۋشىلىق تانىتىپ وتىرعان تۇركىستان, الماتى جانە قازاقستاننىڭ باسقا دا قالالارىنا «WizzAir» اۋە رەيستەرىن اشۋ كەلەشەگىن, سونداي-اق ايماقتاعى جانە الەمدەگى اسا پەرسپەكتيۆالى ساۋدا باعىتتارى بويىنشا اۋە جۇك تاسىمالىن ۇيىمداستىرۋدى تالقىلادى.
بۇدان باسقا, «WizzAir» اۋە كومپانياسى قازاقستاندا جاڭا بۋىنداعى اۆياوتىن ءوندىرىسىن – «تۇراقتى اۆياتسيالىق وتىندى» (sustainable aviation fuel) ءوندىرۋدى ۇيىمداستىرۋعا قىزىعۋشىلىق تانىتتى.
كەزدەسۋگە يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ جانە ستراتەگيالىق جوسپارلاۋ جانە رەفورمالار اگەنتتىگىنىڭ توراعاسىنىڭ ورىنباسارى جاسلان ماديەۆ قاتىستى. «WizzAir» كومپانياسى — ورتالىق جانە شىعىس ەۋروپاداعى ەڭ ءىرى بيۋدجەتتىك اۋە تاسىمالداۋشىسى.
اۋە كومپانياسىنىڭ اۋە كەمەلەرى پاركى Airbus A320 جانە A321 ۇشاقتارىنان تۇرادى. 2020 جىلى كومپانيانىڭ جولاۋشىلار اينالىمى 40 ملن ادامدى قۇرادى, كىرىسى – 2,8 ملرد ەۋرو. ەۋروپانىڭ 47 ەلىنە جانە ودان تىس جەرلەرگە 900 باعىت بويىنشا بيۋدجەتتىك اۋە رەيستەرىن ورىندايدى.
