«ينتەرنەت ساپاسىن باقىلاۋ ءۇشىن ارنايى جابدىقتار ساتىپ الىندى. ولار التاۋ بولدى جانە ءبىز ولاردىڭ بارلىعىن ەل بويىنشا قولداندىق, قازىر ولاردىڭ سانى – 17, ولار ءار وبلىس ورتالىعىندا بار. بىراق ساپانى تەكسەرۋ ءۇشىن ءبىز وڭىرلەرگە شىعامىز. مىسالى, تۇركىستان وبلىسىنا جاساعان ساپار بارىسىندا ءبىز شىمكەنتتەن تۇركىستانعا بارار جولدا ينتەرنەتى ءالسىز ەكى اۋىلدى انىقتادىق. وسى جابدىقتارمەن ولشەۋلەر جۇرگىزىلدى, ايىپپۇل سالىندى جانە اقاۋلاردى جويۋ ءۇشىن 2 اي ۋاقىت بەرىلدى. ەگەر ولار مەرزىمىندە ورىندالماسا, ءبىز قاتاڭ دەن قويۋدىڭ شارالارىن قابىلداۋعا قۇقىلىمىز.
ايىپپۇل سالىپ, ەلىمىزدىڭ 17 وڭىرىندە ارنايى ولشەۋ ءىس-شارالارىن جۇرگىزە الامىز, بىراق ول نەگىزدەر قاجەت. Facebook جانە Instagram ارقىلى حابارلامالار كوپ كەلىپ تۇسەدى, بىراق ءبىز ولاردى تەكسەرۋ ءۇشىن نەگىز رەتىندە پايدالانا المايمىز. ول ءۇشىن ازاماتتاردىڭ ءوز قولىمەن جازعان, قولى قويىلعان نەمەسە ەلەكتروندىق تسيفرلىق قولتاڭبامەن كۋالاندىرىلعان وتىنىشتەردى عانا پايدالانۋىمىز كەرەك», دەپ اتاپ ءوتتى ۆەدومستۆو باسشىسى. بۇل بيزنەستى قورعاۋ شەڭبەرىندەگى زاڭناما تالابى.
مۋسين قازاقستاندىقتاردى ينتەرنەت ناشار بولسا, حات جازۋعا ۇندەدى. بۇل وتىنىشتەردىڭ بارلىعى مينيسترلىكتىڭ اتىنا نەمەسە تىكەلەي تەلەكوممۋنيكاتسيا كوميتەتىنە رەسمي تۇردە تىركەلۋى ءتيىس.
