تۇركىستان وبلىسى باس مەملەكەتتىك سانيتاريالىق دارىگەرىنىڭ قاۋلىلارىنىڭ نەگىزىندە, كارانتين رەجيمى كەزىندە بىرقاتار شەكتەۋ شارالارى قويىلعان. وسى باعىتتا ورداباسى اپب-نىڭ پوليتسەيلەرى كارانتين رەجيمىن جانە شەكتەۋ شارالارىن ساقتاۋ ءۇشىن قۇرىلعان توپپەن بىرگە پروفيلاكتيكالىق جۇمىستاردى تۇراقتى تۇردە جۇرگىزۋدە. وسىنداي كەزەكتى رەيدتىك شارا بارىسىندا, كۇندىزگى 15:30 شاماسىندا سارىاعاش اۋدانىنىڭ اۋىلدارىنىڭ بىرىندە كوكپار ويىنىنىڭ ءوتىپ جاتقانى انىقتالعان. ۇيىمداستىرىلعان باتا كوكپار ويىنى توقتاتىلىپ, 200-دەن استام ادام تارقاتىلدى.
سونداي-اق وتىرار اۋدانىندا جاسىرىن تۇردە كوكپار ويىنى ۇيىمداستىرىلعان. اتالعان جيىنعا 150-دەن استام ادام جينالىپ, ءتارتىپ ساقشىلارىنىڭ تاباندى ەڭبەكتەرىنىڭ ارقاسىندا, دەر كەزىندە تۇرعىنداردىڭ قاۋىپسىزدىگى ءۇشىن كوكپار ويىندارى توقتاتىلدى.
وسىعان وراي كارانتين رەجيمىن جانە شەكتەۋ شارالارىن ساقتاماعان تۇرعىندارعا قاتىستى ءىس-قۇجاتتار جيناقتالىپ, زاڭدى شەشىم قابىلداۋ ءۇشىن قر قك-ءنىڭ 425-بابى (حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردi بۇزۋ) بويىنشا جيناقتالعان قۇجاتتار اۋداندىق سەبب-نا جولداندى.
ءوز كەزەگىندە تۇركىستان وبلىسىنىڭ پوليتسەيلەرى ازاماتتاردى كارانتين رەجيمىن قاتاڭ ساقتاۋعا, مەديتسينالىق بەتپەردە كيۋگە جانە الەۋمەتتىك قاشىقتىقتى ساقتاۋعا شاقىرادى.
