«مەملەكەتتىك ءبىلىم بەرۋ گرانتىن الۋ كونكۋرسىنا قاتىسۋ ءۇشىن وقۋعا ءتۇسۋشى ەڭ جاقسى ناتيجەسى بار سەرتيفيكاتتى ۇسىنا الادى. بۇل مۇمكىندىك ۇمىتكەرلەردىڭ گرانت ۇتىپ الۋ مۇمكىندىگىن ايتارلىقتاي ارتتىرا تۇسپەك. ۇبت-نى ادەتتەگىدەي 3 مىندەتتى جانە 2 بەيىندى ءپان بويىنشا تاپسىرادى. قاتىسۋشىلارعا 120 تەست تاپسىرماسى جانە 240 مينۋت ۋاقىت بەرىلەدى. ۇبت ناتيجەسى بويىنشا تالاپكەرلەر ەڭ جوعارى 140 بالل جيناي الادى», دەدى سپيكەر.
قاتىسۋشىلار تاپسىرمالاردى كەز-كەلگەن پاننەن باستاي الادى. سونداي-اق تەستىلەۋ اياقتالعانعا دەيىن جاۋاپ بەرىلگەن سۇراقتارعا قايتا ورالىپ, جاۋاپتاردى تۇزەتۋگە بولادى. بعم مالىمەتىنشە, تالاپكەرلەرگە ىڭعايلى بولۋ ءۇشىن ۇبت بارىسىندا كومپيۋتەر ەكرانىندا كالكۋلياتور, مەندەلەەۆ جانە تۇزداردىڭ ەرىگىشتىگى كەستەلەرى ۇسىنىلادى. تەست ناتيجەلەرى بىردەن بەلگىلى بولادى جانە جارتى ساعاتتىڭ ىشىندە اپەللياتسياعا بەرۋ مۇمكىندىگى بار.
