قوعام • 03 ءساۋىر، 2021

الماتىلىقتارعا مەديتسينالىق اقپاراتتىق جۇيە ارقىلى شاقىرتۋلار جىبەرىلدى

53 رەت كورسەتىلدى

بۇگىن مەگاپوليستەگى ۆاكتسيناتسيا بارىسى تۋرالى الماتى قالاسى №17 ەمحاناسىنىڭ دارىگەر-ەپيدەميولوگى گالينا روگاتوۆسكايا اقپارات بەردى. مەديتسينا قىزمەتكەرى ۆاكتسينالاۋ جۇمىستارىن 4 ناۋرىزدا باستاعاندارىن حابارلادى.

- باستاپقىدا ءبىز مەديتسينا قىزمەتكەرلەرىن، مەكتەپ، ينتەرنات مۇعالىمدەرىن، الەۋمەتتىك مەكەمەلەر جانە پوليتسيا قىزمەتكەرلەرىن ۆاكتسيناتسيالادىق. ولارعا ەگۋ جۇرگىزۋ اياقتالىپ كەلەدى. 2 ساۋىردەن باستاپ سوزىلمالى اۋرۋلارى بار ديسپانسەرلىك توپتاعى پاتسيەنتتەردى ۆاكتسيناتسيالاۋعا كىرىستىك، - دەدى گ.روگاتوۆسكايا.

ەپيدەميولوگ دارىگەر ولاردىڭ وتاندىق ۆاكتسينانىڭ 2200 دوزاسىن العانىن جانە ونىمەن ءساتتى جۇمىس ىستەپ جاتقانىن ايتتى. گالينا روگاتوۆسكايا ۆاكتسينانى كۆينكي ءىسىنۋى بار، جۇكتى جانە بالا ەمىزەتىن ادامدارعا جاساۋعا بولمايتىنىن ايتىپ، تولىقتىردى. ۆاكتسيناتسياعا 18 جاسقا دەيىنگى بالالار جىبەرىلمەيدى. سونىمەن بىرگە، كوروناۆيرۋسقا قارسى ۆاكتسينانى 63 جاستان اسقان ادامدارعا جاساۋعا رۇقسات ەتىلەدى.

17-ەمحانانىڭ دارىگەرى ۆاكتسينانىڭ ءۇش كۇن ىشىندە كەرى اسەرى بولۋى مۇمكىن ەكەنىن، جانە ولاردى اسقىنۋ دەپ اتاۋعا كەلمەيتىنىن ايتتى. بۇل قالتىراۋ، دەنەنىڭ سىرقىراۋى، دەنە تەمپەراتۋراسىنىڭ ازداپ كوتەرىلۋى.

- ءبىزدىڭ دەرەكتەرىمىز بويىنشا، ەكپە سالدىرعانداردىڭ 25-30 %-دا وسى بەلگىلەر بايقالۋدا. قالعاندارىنان شاعىمدانۋ بولعان جوق. اۋىر بەلگىلەرى دە تىركەلگەن جوق، - دەدى دارىگەر.

حالىققا ەكپە جۇرگىزۋ 2 ساۋىردەن باستالدى، وعان دەيىن سوزىلمالى اۋرۋلارى بار ناۋقاستارعا مەديتسينالىق اقپاراتتىق جۇيە ارقىلى شاقىرۋ جىبەرىلگەن بولاتىن. ەكى كۇندە 1300 ادام ەگىلدى.

ۆاكتسينا سالدىرعاندار قاتارىندا تەك قازاقستاندىقتار عانا ەمەس، تۇرعىلىقتى مەكەن-جايى مەن تىركەلگەن مەديتسينالىق ۇيىمدارىنا قاراماستان، شەتەلدىك ازاماتتار دا بار.

الماتى ەمحانالارى كوروناۆيرۋستان ۆاكتسينا العىسى كەلەتىن بارلىق ادامدار ءۇشىن اشىق.

دارىگەر ۆاكتسيناتسيالاۋ كەزەڭىمەن بايلانىستى سۇراقتارعا جاۋاپ بەردى. ونىڭ ايتۋىنشا، ول ەكى كومپونەنتتى، سول سەبەپتى ەكى ەكپەنىڭ اراسىنداعى ايىرماشىلىق 21 كۇندى قۇرايدى. ءۇزىلىستى 7 كۇنگە دەيىن ۇزۋگە رۇقسات ەتىلەدى. پاتسيەنت اۋىرىپ قالعان جاعدايدا، 60 كۇنگە دەيىن ءۇزىلىس جاساۋ مۇمكىندىگى بار. ۆاكتسينا العاننان كەيىن يممۋنيتەت ەكىنشى كومپونەنتتى العاننان كەيىن 42 كۇن وتكەن سوڭ قالىپتاسادى.

ەستەرىڭىزگە سالا كەتەيىك، مەگاپويستە جوسپارلى ۆاكتسيناتسيا جۇرگىزۋ ءۇشىن 250 پۋنكت، ونىڭ ىشىندە ءىرى ساۋدا نىساندارىندا بارلىق ەپيدەميالىق تالاپتاردى قاتاڭ ساقتاي وتىرىپ اشۋ جوسپارلانۋدا.

سوڭعى جاڭالىقتار

ۇقساس جاڭالىقتار