قورعانىس ءمينيسترى «باتىس» وڭىرلىك قولباسشىلىعىندا كوماندالىق پۋنكت قىزمەتىنىڭ ۇيىمداستىرىلۋ بارىسىن, باعىنىستى اسكەرلەرگە جاۋىنگەرلىك باسقارۋ دابىلىن حابارلاۋ مەن جەتكىزۋ ءتارتىبىن تەكسەردى.
گەنەرال-لەيتەنانت نۇرلان ەرمەكباەۆ اتىراۋ گارنيزونىنىڭ اسكەري بولىمدەرىندە اسكەري تەحنيكالاردىڭ ساقتالۋى, ولارعا كورسەتىلەتىن قىزمەت پەن جوندەۋ تارتىبىمەن تانىستى. وعان تەحنيكالىق قىزمەت كورسەتۋدىڭ بارلىق تۇرلەرىن جۇرگىزۋگە جانە توراپتار مەن اگرەگاتتاردى اۋىستىرۋ ارقىلى, اسكەري كولىكتەرگە جوندەۋگە مۇمكىندىك بەرەتىن تەحنيكالىق قىزمەتتەر مەن جوندەۋ پۋنكتىنىڭ جۇمىسى, سونداي-اق تەحنيكانى ۇدايى جاۋىنگەرلىك ازىرلىكتە ۇستاۋ ءۇشىن اككۋمۋلياتور باتارەيالارىن شاعىن توقتارمەن قايتا قۋاتتاۋدىڭ قولدانىستاعى جۇيەسى كورسەتىلدى.
اتىراۋ وبلىسى قورعانىس ىستەرى جونىندەگى دەپارتامەنتىنىڭ جيناۋ پۋنكتىندە قورعانىس ۆەدومستۆوسىنىڭ باسشىسىنا اسكەرگە شاقىرۋ ناۋقانىنىڭ بارىسى, اسكەري بولىمدەردى جاساقتاۋ كەزىندە پسيحولوگيالىق جانە مەديتسينالىق ىرىكتەۋدىڭ قازىرگى ەرەكشەلىكتەرى جونىندە باياندالدى.
قورعانىس ءمينيسترى كوروناۆيرۋس پاندەمياسىنا بايلانىستى سانيتارلىق-ەپيدەميولوگيالىق شارالار مەن شەكتەۋلەردى ساقتاۋدىڭ بارلىق شارالارىن جۇرگىزۋگە نۇسقاۋ بەردى.
