– بۇل قۋانىشتى وقيعا 2019 جىلى بولدى. وتباسىمىزعا بالپىق بي كەنتىنەن كەڭ ءۇي بۇيىردى. ءبىز وعان دەيىن پاتەر جالداپ كەلگەنبىز. ءۇي ماسەلەسىنەن اۋدان اكىمدىگى حاباردار بولاتىن. كوپ بالالى اۋلەت رەتىندە قامقورلىق پەن كومەكتەن قۇر قالماساق تا, باسپاناعا قول جەتكىزۋ ارمان ەدى. وسى جىلى ەلىمىزدە كوپ بالالى وتباسىلاردىڭ جاعدايى ءجيى ءسوز بولىپ, بيلىك تە, قالتالى ازاماتتار دا كومەك قولىن سوزا باستادى. ءبىر كۇنى اۋدان اكىمدىگىنەن حابارلاسىپ, جاقىندا باسپانالى بولاتىنىمىزدى ايتتى. قۋانىشىمىز قويىنىمىزعا سىيماي, ۋادەلى كۇندى كۇتتىك. مەرەيلى ءسات كەلگەندە ءبىزدى ازاماتتار بالپىق بي اۋىلىنىڭ قازىبەك بي كوشەسىنە الىپ كەلىپ, «مىنا ءۇي ەندى سىزدەردىكى...» دەدى. كىشىگىرىم ءىسشارا ۇيىمداستىرىلدى. اۋەلى باسپانا ماسەلەمىز بۇلاي جىلدام شەشىلە سالعانىنا سەنبەدىك. ءبىر ك ۇلىپ, ءبىر جىلاپ ءجۇرمىز. ءۇي 5 بولمەلى, اۋلاسى كەڭ, جەمىس باعى مەن باقشاسى دا بار ەكەن. اكىمدىك وكىلدەرى وسى كەڭ سارايداي ءۇيدى بىزگە ساتىپ الىپ بەرگەن جەكە كاسىپكەر ەكەنىن جانە ول كىسى ءوزىنىڭ ءاتىجونىن قۇپيا قالدىرۋدى وتىنگەنىن ايتقاندا كوز جاسىما ەرىك بەردىم. ومىردە قانشاما قايىرىمدى جانداردىڭ بارىن بىلسەم دە, ءدال مۇنداي جومارتتىقتى كۇتپەگەن ەدىك. قازىر 8 بالامىزبەن سول ءبىر قايىرىمدى جان سىيلاعان ۇيدە تۇرىپ جاتىرمىز.
«وڭ قولىڭنىڭ بەرگەنىن سول قولىڭ كورمەسىن» دەگەن ءسوز بار عوي, ءبىزدىڭ قامقورشىمىز وسىنى بەرىك ۇستاناتىن پاراساتتى ادام بولسا كەرەك. ءبىز ول كىسىنىڭ جاقسىلىعىن ۇمىتپايمىز, ۇنەمى دۇعاتىلەگىمىزگە قوسىپ وتىرامىز. ءاتىجونىن انىقتاۋعا دا ارەكەت ەتپەدىك. ويتكەنى قايىرىمدى جان مۇنى قالاماسا كەرەك. ال بيىل, اراعا بىرەر جىل سالىپ «Egemen Qazaqstan» گازەتى ارقىلى ويىمدى جۇرشىلىقپەن بولىسكىم كەلدى. جەر بەتىندە جاقسى ادامداردىڭ بار ەكەنىن, ولار قيىن كەزدە كومەك قولىن سوزاتىنىنا سەنەمىز. سونداي جۇرەگى كەڭ ازاماتتاردىڭ بارىنە مىڭ العىس! – دەيدى كوپ بالالى انا گۇلزيرا سولتانعازيەۆا.
جالپى, الماتى وبلىسىندا مۇقتاج جانداردى, ونىڭ ىشىندە كوپ بالالى اۋلەتتەردى تۇرعىن ۇيمەن قامتۋ ماسەلەسى كۇن تارتىبىنەن تۇسكەن ەمەس. بۇل ىزگى باعىتتاعى ىسكە كاسىپكەرلەر دە ۇلكەن ۇلەس قوسىپ كەلەدى. مىسالى, بىلتىر 1258 كوپ بالالى وتباسى باسپانالى بولسا, ونىڭ ىشىندەگى 180 ءۇيدى ايماقتاعى مەتساناتتار سىيعا تارتقان ەكەن. ال بۇل يگى ءداستۇر ءبىزدىڭ كەيىپكەرىمىز تۇراتىن كوكسۋ اۋدانىندا بيىل دا جالعاسىپتى.
– كارانتين كەزىندە اۋداندا تۇراتىن مۇقتاج ادامدارعا 12 ملن تەڭگەدەن استام سوماعا قايىرىمدىلىق كومەگى كورسەتىلدى. مۇنىڭ ىشىندە كوپ بالالى وتباسىلار دا بار. اۋدان بويىنشا ولاردىڭ سانى – 1103. بۇل اۋلەتتەردىڭ جاعدايى ءبىزدىڭ نازارىمىزدان تىس قالعان ەمەس. باسپاناسىزداردى ءۇي كەزەگىنە قويۋ مەن دەمەۋشىلەردىڭ كومەگىمەن ولاردىڭ ءۇيلى بولۋلارىنا ىقپال ەتە بەرەمىز. جاقىندا مەملەكەتتىك باعدارلاما ارقىلى مۇقانشى اۋىلىنداعى كوپ بالالى وتباسى باسپانالى بولدى. مۇنان بولەك, وسى قىس مەرزىمىندە اۋداندا دەمەۋشىلەردىڭ قارجىسىنا 41 از قامتىلعان وتباسىعا جالپى سوماسى 500 مىڭ تەڭگەگە ازىقت ۇلىك بەرىلىپ, 40 وتباسىعا 550 مىڭ تەڭگەگە وتىن ءتۇسىرىلدى, – دەيدى اۋدان اكىمى الماس ءادىل.
ايتپاقشى, مۇقتاج جاندارعا كومەك, ونىڭ ىشىندە قىسقى ماۋسىمعا دايىندىق بارىسى بويىنشا وبلىستىڭ بارلىق وڭىرىندە قايىرىمدىلىق شاراسى بەلسەندى تۇردە جۇرگىزىلدى. بۇل شاراعا بيۋدجەتتەن 46 ملن تەڭگە جۇمسالسا, دەمەۋشىلەر بىرلەسىپ, 272,4 ملن تەڭگە جيناعان. ناتيجەسىندە, جەتىسۋدا ءبىر ايدا 18 مىڭنان استام ادامعا ناقتى كومەك كورسەتىلگەن.
