ايماقتار • 01 ءساۋىر، 2021

تۇركىستان وبلىسىندا 12 700 ازاماتقا ەكپە ەگىلدى

8 رەت كورسەتىلدى

تۇركىستان وبلىسىندا 12 700 ادامعا COVID-19 ىندەتىنە قارسى ەكپەنىڭ 1-كومپونەنتى ەگىلدى. بۇگىندە ونىڭ 6 173-ءى ۆاكتسيناتسيانىڭ ەكىنشى كەزەڭىنەن دە ءوتىپ ۇلگەرگەن. ولاردىڭ قاتارىندا مەديتسينا جانە پوليتسيا قىزمەتكەرلەرى مەن مۇعالىمدەر بار.

وڭىرلىك كوممۋنيكاتسيالار قىزمەتىندە وتكەن بريفينگتە قوعامدىق دەنساۋلىق باسقارماسىنىڭ باسشىسى مارات پاشيموۆ وبلىستا سوڭعى تاۋلىكتە 8 ادامنان كوروناۆيرۋس ىندەتى انىقتالعانىن ايتا كەلە، حالىقتى ىندەتكە قارسى ەكپە سالدىرۋعا شاقىردى. «وبلىس اۋماعىندا «COVID-19» ىندەتىنىڭ تاۋلىكتىك ءوسىمى 0،17 پايىز بولىپ وتىر. جالپى پاندەميا باستالعالى وڭىردە اتالعان ينفەكتسيانى جۇقتىرعان 4 493 جاعداي تىركەلدى. وسى تۇستا «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستىڭ 77-بابىنا سايكەس، ۆاكتسينا سالۋ تەك ادامنىڭ كەلىسىمىمەن عانا جۇزەگە اساتىنىن ايتقىم كەلەدى. ۆاكتسينادان باس تارتقاندار اكىمشىلىك نە قىلمىستىق جاۋاپكەرشىلىككە تارتىلمايدى. دەي تۇرعانمەن، ازاماتتارعا كارانتيندىك تالاپتاردى ساقتاعاننان بولەك، جۇقپالى اۋرۋعا قارسى ۆاكتسينا سالدىرۋدى ۇسىنار ەدىم. بۇل الەمدىك تاجىريبە ەكەنىن بارشاڭىز بىلەسىزدەر. ەگەر وسى ءتاسىلدى ەل بولىپ قولداساق، جامان اۋرۋدى جەڭۋ دە وڭاي بولاتىنى ءسوزسىز»، دەدى مارات ورىنباسار ۇلى.

سونداي-اق باسقارما باسشىسى قازىرگى تاڭدا وڭىردە اۋرۋمەن كۇرەسۋدىڭ بارلىق شارالارى قولعا الىنعانىن ايتتى. جالپى ايماقتا 23 429 مەديتسينا قىزمەتكەرى بولسا، ونىڭ 5000-نان استامى دارىگەر، قالعاندارى ورتا بۋىن ماماندارى. ۆاكتسينا ساقتايتىن قويماعا كولەمى 601 ليتر بولاتىن 2 مۇزداتقىش بار. سونىمەن قاتار، وبلىستىق بيۋدجەت ەسەبىنەن كولەمى 143 ليترلىك 20 مۇزداتقىش الىنعان. ۆاكتسيناتسيا جۇرگىزۋگە ارنالعان 65 پۋنكت توڭازىتقىشپەن جابدىقتالعان. بۇدان بولەك، ۆاكتسينانى تاسىمالدايتىن كولەمى 50 ليترلىك 38 تەرموكونتەينەرمەن قامتاماسىز ەتىلگەن. ال سانيتارلىق-ەپيدەميالىق باقىلاۋ دەپارتامەنتى باسشىسىنىڭ ورىنباسارى باقتىوراز ەلەمەسوۆ وبلىس اۋماعىندا كارانتين رەجيمىنىڭ تالاپتارىن ساقتاماي توي جيىندار مەن ءتۇرلى شارالاردى وتكىزۋ توقتاماي وتىرعانىن جەتكىزدى. جىل باسىنان بەرى ارنايى ءموبيلدى توپتاردىڭ مونيتورينگ جۇمىستارى كەزىندە وبلىستا كارانتين تالاپتارىنا باعىنباي جۇمىس ىستەگەن مەكەمەلەرگە 1 583 حاتتاما تولتىرىلعان. ناتيجەسىندە 89 158 105 تەڭگە ايىپپۇل سالىنعان.

سوڭعى جاڭالىقتار

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار