ايماقتار • 01 ءساۋىر، 2021

باعدارلاما قوعامدىق كەڭەس باقىلاۋىندا

54 رەت كورسەتىلدى

«Nur  Otan»  پارتياسىنىڭ قوستاناي وبلىستىق فيليالى توراعاسىنىڭ ءبىرىنشى ورىنباسارى ەلدار كۇزەنباەۆ  پارتيانىڭ «وزگەرىستەر جولى: اركىمگە لايىقتى ءومىر!» سايلاۋالدى باعدارلاماسىن تولىق ءارى ساپالى ىسكە اسىرۋدى باقىلايتىن قوعامدىق كەڭەس مۇشەلەرىمەن كەزدەستى. باسقوسۋدا فيليال توراعاسى ورىنباسارىنىڭ بايانداماسى تىڭدالىپ، باعدارلامانىڭ وڭىردە جۇزەگە اسىرىلۋ بارىسى تالقىلاندى، دەپ حابارلايدى Egemen.kz.

بۇگىندە ايماقتا وبلىستىق جانە اۋداندىق دەڭگەيدەگى جالپى سانى 28 قوعامدىق كەڭەس قۇرىلىپ، ولاردىڭ ارقايسى پارتيانىڭ سايلاۋالدى باعدارلاماسىنىڭ ناقتى ءبىر باعىتىنىڭ جۇزەگە اسىرىلۋىن باقىلاپ وتىر. قازىردىڭ وزىندە سىبايلاس جەمقورلىققا قارسى كۇرەس، مادەنيەت پەن ونەردى دامىتۋ ماسەلەلەرى، وتباسى، ايەلدەر جانە بالالاردىڭ قۇقىعىن قورعاۋ جونىندەگى كەڭەستەر بەلسەندى جۇمىس جۇرگىزۋدە. مۇنىڭ سىرتىندا، جاڭا قۇرىلعان ەكونوميكانى دامىتۋ جانە كاسىپكەرلىكتى قولداۋ، ءبىلىم مەن عىلىمدى دامىتۋ، دەنساۋلىق ماسەلەلەرى، جۇمىسپەن قامتۋدى جانە حالىقتىڭ الەۋمەتتىك ءالسىز توپتارىنا قولداۋ كورسەتۋ، وڭىرلىك دامۋ، ازاماتتىق قوعام مەن مەملەكەتتىك باسقارۋدى دامىتۋ، جاستاردى قولداۋ، ەكولوگيا، اگرارلىق سەكتوردى دامىتۋ جوبالارىن باقىلايتىن كەڭەستەر جۇمىسقا كىرىستى. ولار پارتيانىڭ سايلاۋالدى باعدارلاماسىنىڭ جول كارتاسى بويىنشا جوسپارلانعان جۇمىستىڭ ورىندالۋ قارقىنى مەن دەڭگەيىن باقىلايتىن بولادى. جول كارتاسىنا ەنگەن، جۇزەگە اسۋعا ءتيىستى نىساندارعا جاۋاپتى ءتيىستى مەملەكەتتتىك ورگانداردىڭ باسشىلارى دا، وسى باعىتتاعى اتقارىلىپ جاتقان جۇمىستارى بويىنشا اتالعان كەڭەس الدىندا ەسەپ بەرەدى. ءوز كەزەگىندە كەڭەس مۇشەلەرى وسى ارقىلى جۇمىس ساپاسىن باعالاپ، ءارى قاراي نىسان قولدانۋعا تاپسىرىلعانعا دەيىن ءوز باقىلاۋىندا ۇستايتىن بولادى.

«Nur  Otan»  پارتياسىنىڭ قوستاناي وبلىستىق فيليالى ايماقتا الداعى بەس جىل ىشىندە 2215 كورسەتكىش بويىنشا 6491 ءىس-شارانى جۇزەگە اسىرۋدى جوسپارلاپ وتىر.

- سايلاۋ الدىندا حالىققا بەرگەن ۋادەمىزدى  2021 جىلى  20،1%-عا، 2022 جىلى – 40،1%-عا، 2023 جىلى – 60%-عا، 2024 جىلى – 79،9%-عا ورىنداۋدى مەجەلەپ قويدىق. 2025 جىلى باعدارلاما تولىعىمەن جۇزەگە اسىرىلادى. وسى جىلدىڭ سوڭىنا دەيىن وبلىس كولەمىندە 480 شاقىرىم اۆتوكولىك جولى، 160 شاقىرىم سۋ جانە 44 شاقىرىمنان استام گاز قۇبىرى تارتىلادى. 2025 جىلعا دەيىن وڭىردە 42 جاڭا كاسىپورىن اشىلىپ، جالپى سانى 80 مىڭ جۇمىس ورنى پايدا بولادى. سونداي-اق، 2،2 ملن شارشى مەتر تۇرعىن ءۇي سالۋ جوسپارلانعان. قوستاناي قالاسىندا ستۋدەنتتەرگە ارنالىپ 1750 ورىندىق 4  جاتاقحانا سالىنادى، سونداي-اق، «ديپلوممەن اۋىلعا» باعدارلاماسى بويىنشا جاستارعا تۇرعىن ءۇي ساتىپ الۋعا جەڭىلدەتىلگەن نەسيە بەرۋ، كوتەرمە جاردەماقى بەرۋ سياقتى قولداۋ تەتىكتەرى ارقىلى شامامەن 1500-دەن استام بىلىكتى جاس مامانعا الەۋمەتتىك قولداۋ كورسەتۋدى جوسپارلاپ وتىرمىز. «Nur Otan» پارتياسىنىڭ 2025 جىلعا دەيىنگى «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسى – ءبىز قولعا العان رەفورمالاردىڭ جالعاسى. سان سالانى قامتيتىن جاڭا باعدارلاما اسا اۋقىمدى بولعانىمەن، بۇل - ناقتى جوسپارلى ماقساتتار مەن شىنايى جۇزەگە اسىرىلاتىن جوبالاردان تۇرادى. بۇگىندە پارتيامىزدىڭ وزىندىك ءداستۇرى، قول جەتكەن تابىسى مەن تاجىريبەسى، كوپتەگەن جاقتاستارى بار. پارتيانىڭ رەسپۋبليكالىق سايلاۋالدى باعدارلاماسى العاش رەت 216 ايماقتىق باعدارلامادا ەگجەي-تەگجەيلى كورىنىس تاپتى. بۇل العا قويعان مىندەتتەردى ەلىمىزدىڭ كەز كەلگەن وڭىرىندە، بارلىق دەڭگەيدە ءتيىمدى ىسكە اسىرۋعا مۇمكىندىك بەرەدى، - دەدى ە. كۇزەنباەۆ.

وڭىرلىك كەڭەستەردىڭ قۇرامىنا 2 مىڭعا جۋىق باقىلاۋشى تارتىلعان. ولاردىڭ ىشىندە تاۋەلسىز ساراپشىلار مەن قوعامدىق ۇيىم وكىلدەرى دە بار. كەزدەسۋ بارىسىندا پارتيانىڭ سايلاۋالدى تۇعىرناماسىنىڭ ايماقتا ءتيىمدى ىسكە اسىرىلا باستاعانىن اتاپ وتكەن قوعامدىق باقىلاۋ كەڭەستەرىنىڭ وكىلدەرى ماڭىزدى باعدارلاما ەلىمىزدىڭ وركەندەۋىنە جول اشىپ، ادىلدىك ۇستەمدىگىن، زاڭدىلىق پەن ءتارتىپتىڭ ساقتالۋىن قامتاماسىز ەتەدى دەگەن سەنىم ءبىلدىردى.

سوڭعى جاڭالىقتار

سەگىزساي جاۋھارلارى

تاريح • بۇگىن، 09:58

كوز تارتار كوركەم الەم

ونەر • بۇگىن، 09:57

جەكە دەرەكتەر جەلىگە تاراپ كەتتى

تەحنولوگيا • بۇگىن، 09:54

جاناشىرلىق جاساۋ جولدارى قاراستىرىلدى

تاۋەلسىزدىكتىڭ 30 جىلدىعى • بۇگىن، 09:53

ورماندى ويسىراتىپ المايىق

ەكولوگيا • بۇگىن، 09:51

جاسىل بەلدەۋ جايقالا تۇسەدى

ەكولوگيا • بۇگىن، 09:48

ەرىنبەگەننىڭ تابىسى ەسەلەنەدى

ايماقتار • بۇگىن، 09:38

باۋىرىم باۋىرىمنان قىمبات ەمەس

كوروناۆيرۋس • بۇگىن، 09:36

ىندەتتەن ساقتانۋدىڭ ۇتىمدى جولى

كوروناۆيرۋس • بۇگىن، 09:34

جانساقتاۋ بولىمىندە ورىن جوق

كوروناۆيرۋس • بۇگىن، 09:28

دوسىن قۇتقارعان جاس ورەن

قوعام • بۇگىن، 09:26

كوروناۆيرۋس: 2625 ادام جازىلىپ شىقتى

كوروناۆيرۋس • بۇگىن، 09:18

جاڭعىرتۋلارعا نەگىز قالايدى

ساياسات • بۇگىن، 09:16

بەلسەندىلىك جوعارى بولدى

ساياسات • بۇگىن، 09:14

باسەكەلەستىك ءباسى باسىم

ساياسات • بۇگىن، 09:10

تاعى 6797 ادام كوروناۆيرۋس جۇقتىردى

كوروناۆيرۋس • بۇگىن، 09:02

اۋىل تىرشىلىگى جاندانادى

ساياسات • بۇگىن، 08:35

اۋقىمدى جوبانىڭ باستاۋى

ساياسات • بۇگىن، 08:28

ناعىز حالىقتىق تاڭداۋ جاسالدى

ساياسات • بۇگىن، 08:23

التىن ساتىپ الۋ ازايمايدى

قازاقستان • كەشە

باتىر بايان

رۋحانيات • كەشە

Kazsat-تان نەگە باس تارتتىق؟

تەحنولوگيا • كەشە

ادام قۇنى

ادەبيەت • كەشە

رەداكتورسىز كىتاپتار

ادەبيەت • كەشە

ۇقساس جاڭالىقتار