33 جاستاعى رەسەي ازاماتى 2011 جىلى سانكت-پەتەربور قالاسىندا بىرەۋگە اۋىر جاراقات سالىپ, سالدارىنان سول ادام كوز جۇمعان. قىلمىستىق قۋدالاۋدان قاشىپ جۇرگەن ەر ادام 10 جىل بويى ىزدەۋدە بولدى. ول سوڭعى جىلدارى قازاقستاندا تۇرىپ, جالعان قۇجات الىپ, بوتەن ەسىممەن ءومىر سۇرگەن. وتباسىن قۇرىپ, ەلوردا مەيرامحانالارىنىڭ بىرىندە شەف اسپاز بولىپ قىزمەت ەتكەن.
ۇستاۋ كەزىندە ەر ادام ءوزىنىڭ اتى-ءجونىن جاسىرۋعا تىرىستى. الايدا پوليتسيا ونىڭ ساۋساق ىزدەرىن سالىستىرىپ, ونىڭ كۇدىكتى ەكەنىن راستادى. ول رف قىلمىستىق كودەكسىنىڭ 111-بابى 4-ءبولىمى بويىنشا ادام ولىمىنە اكەلىپ سوقتىرعان دەنساۋلىققا قاساقانا اۋىر زيان كەلتىرۋ قىلمىسىن جاسادى ايىپتالىپ وتىر. وعان ىزدەستىرۋدى سانكت-پەتەربور قالاسىنىڭ ىشكى ىستەر باسقارماسى جاريالاعان. قازىرگى كەزدە ەر ادام ەلوردا پوليتسيا دەپارتامەنتىنىڭ ۋاقىتشا ۇستاۋ وقشاۋلاعىشىنا قامالدى, ونى رەسەيگە ەكستراديتسيالاۋ ماسەلەسى قاراستىرىلىپ جاتىر.
