ايماقتار • 01 ءساۋىر، 2021

سۋ تاسقىنىنا دايىندىق قالاي؟

54 رەت كورسەتىلدى

بۇگىنگى كۇنى «قازسۋشار» رمك تۇركىستان فيليالىنىڭ سۋ نىساندارىنىڭ جاعدايى تۇراقتى باقىلاۋدا. قاۋىپسىز سۋ تاسقىنى كەزەڭىن وتكىزۋ بويىنشا ءىس-شارالار تۇراقتى تۇردە جۇرگىزىلىپ وتىر.

بيىلعى جىلدىڭ 31 ناۋرىزىندا تولاسسىز جاۋعان جاڭبىر اسەرىنەن «قاپشاعاي» سۋ قويماسىنا 32،14 ملن. م3-گە  دەيىن سۋ جينالعان بولاتىن. وسىعان بايلانىستى «قازسۋشار» رمك تۇركىستان فيليانىنىڭ ماماندارى، بايدىبەك اۋدانىنىڭ جەرگىلىكتى اكىمشىلىگى، تۇركىستان وبلىسى اۋىل شارۋاشىلىعى باسقارماسى، سونداي-اق توتەنشە جاعدايلار دەپارتامەنتىنىڭ قىزمەتكەرلەرى شۇعىل تەكسەرۋ جۇمىستارىن جۇرگىزىپ، باقىلاۋعا الدى.

ايتا كەتسەك، بايدىبەك اۋدانىنداعى «قاپشاعاي» سۋ قويماسىنىڭ جوبالىق كولەمى   34،5 ملن. م3. 31 ناۋرىز كۇنگى تاڭعى مالىمەت بويىنشا نوسەر جاڭبىردان كەيىن قويماعا كەلگەن سۋ كولەمى 47،4 م3/سەك بولىپ، جينالعان سۋ كولەمى 32،14 ملن. م3-گە جەتتى.  «قاپشاعاي» سۋ قويماسىنىڭ 31 ناۋرىزداعى ساعات 17:00-دەگى مالىمەتكە سايكەس جاعدايى سۋ قويماسىنا كەلگەن سۋ كولەمى 20،0 م3/سەك، جينالعان سۋ كولەمى 33،7 ملن. م3. قاپشاعاي سۋ قويماسىنداعى بوگەتتە سۋ وتكىزۋ قابىلەتى سەكۋندىنا 120،0 تەكشە مەتر بولاتىن قالىپتى سۋ دەڭگەيىندە (نپۋ) ءوز ەركىمەن سۋ تاستايتىن اپاتتى قاشىرتقى بار.

تۇركىستان ماگيستارلدى كانالى  «تۇران سۋ» شارۋاشىلىق جۇرگىزۋ قۇقىعىنداعى مەملەكەتتىك كوممۋنالدىق مەكەمەسى مەنشىگىندە. بۇگىنگى كۇنگى تاڭعى مالىمەت بويىنشا بوگەن سۋ قويماسىنان تۇركىستان ماگيسترالدى كانالىنا شىققان سۋ كولەمى 40،0 م3/سەك. قاپشاعاي سۋ قويماسىنان تۇركىستان ماگيستارلدى كانالىنا تونەتىن ەشقانداي قاۋىپ جوق. قاپشاعاي سۋ قويماسى مەن تۇركىستان ماگيسترالدى كانالىنىڭ ارا قاشىقتىعى 65 شاقىرىم. تۇركىستان ماگيسترالدى كانالىنا قاپشاعاي سۋ قويماسىنان شىققان سۋ كولەمىنىڭ جەتۋ ۋاقىتى  2 تاۋلىكتى قۇرايدى.        

قازىرگى تاڭدا ەشقانداي قاۋىپ قاتەر جوق. ارنايى تەحنيكا تەكسەرىلدى جانە ينەرتتى ماتەريالدار قورى جاساقتالدى، بايلانىس قۇرالدارىمەن تولىق قامتاماسىز ەتىلدى. سۋ قويماسىنىڭ تەحنيكالىق جاعدايى قاناعاتتانارلىق. تاۋلىك بويى كەزەكشىلىك ۇيىمداستىرىلىپ، سۋ قويماسى تولىق باقىلاۋعا الىندى. ءتيىستى ماماندار كەستەگە سايكەس جۇمىس ىستەۋدە.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار