كليماتتىق مالىمەتتەر بويىنشا ءساۋىر ايى قازاقستاننىڭ بارلىق اۋماعىندا كوكتەمنىڭ باستالاتىن ۋاقىتى. ساۋىردە كۇن ۇزارىپ, كوكجيەكتەن جوعارى كوتەرىلىپ, ودان ءارى جىلۋ جينالادى. اۋانىڭ ورتاشا تاۋلىكتىك تەمپەراتۋراسىنىڭ 0°C ارقىلى وڭ ماندەرگە تۇراقتى اۋىسۋى رەسپۋبليكانىڭ سولتۇستىگىندە ءبىرىنشى ونكۇندىكتە باستالادى, ءۇشىنشى ونكۇندىكتە بۇل اۋداندارداعى ورتاشا تاۋلىكتىك تەمپەراتۋرا +5°س ارقىلى وتەدى. قازاقستاننىڭ وڭتۇستىگىندە ءبىرىنشى ونكۇندىكتە اۋانىڭ ورتاشا تاۋلىكتىك تەمپەراتۋراسى +10°س ارقىلى وتەدى. كەيبىر جىلدارى 2-3 اپتاعا, ەرتە جانە كەش كەزەڭدەرگە اۋىسۋلار بولۋى مۇمكىن.
ءساۋىر ناۋرىز ايىمەن سالىستىرعاندا جاۋىن-شاشىننىڭ كوبەيۋىمەن ءتان. قازاقستان اۋماقتارىنىڭ كوپ بولىگىندە جاۋىن-شاشىن 15-30 مم, شىعىسىندا كەي جەرلەردە 50-90 مم, وڭتۇستىگى مەن وڭتۇستىك-شىعىسىنىڭ تاۋ بوكتەرىندەگى جانە تاۋلى ايماقتارىندا 100-150 مم تۇسەدى. كەيبىر جىلدارى جاۋىن-شاشىن مولشەرى كوپجىلدىق ماندەردەن 4-5 ەسە اسىپ كەتۋى مۇمكىن.
نايزاعاي بۇكىل قازاقستان بويىنشا, تۇمان - كوبىنەسە قازاقستاننىڭ سولتۇستىك جارتىسىندا بايقالادى.
كونسۋلتاتيۆتىك بولجامعا سايكەس 2021 جىلدىڭ ءساۋىر ايىندا كاسپيدىڭ وڭتۇستىگىنەن جانە رەسەيدىڭ ەۋروپالىق اۋماعىنان تسيكلونداردىڭ شىعۋىمەن رەسپۋبليكانىڭ باتىسى مەن سولتۇستىك جارتىسىندا اۋا-رايىنىڭ تۇراقسىز سيپاتى باسىم بولادى. جاۋىن-شاشىن (كوبىنە جاڭبىر تۇرىندە), قازاقستاننىڭ سولتۇستىگىندە جانە رەسپۋبليكانىڭ وڭتۇستىك, وڭتۇستىك-شىعىس, شىعىس تاۋلى اۋداندارىندا ارالاس جاۋىن-شاشىن (جاڭبىر, سۋلى قار) بولۋى ىقتيمال. جەل 15-20 م/س, كەي كۇندەرى ەكپىنى 23-28 م/س كۇتىلۋدە (باتىستا جانە وڭتۇستىكتە شاڭدى داۋىلمەن), رەسپۋبليكا بويىنشا كەي جەرلەردە نايزاعاي ويناپ, بۇرشاق جاۋى ىقتيمال.
ءبىرىنشى ونكۇندىكتىڭ باسىندا قازاقستاننىڭ باسىم بولىگىندە جاۋىن-شاشىنسىز اۋا رايى كۇتىلەدى, تەك باتىستا جانە وڭتۇستىك-شىعىس بولىگىندە جاۋىن-شاشىن (جاڭبىر, قار), كەي جەرلەردە قاتتى جاۋىن-شاشىن كۇتىلەدى.
ءبىرىنشى ونكۇندىكتىڭ ورتاسىنان باستاپ رەسپۋبليكانىڭ بارلىق اۋماعىندا جاۋىن-شاشىن, تۇمان جانە كوكتايعاق قۇبىلىستارى تۇراقسىز اۋا رايى بولجانادى. ءبىرىنشى ونكۇندىكتە تۇنگى جانە كۇندىزگى اۋا تەمپەراتۋراسىنىڭ جوعارىلاۋى كۇتىلەدى:
باتىستا تۇندە +2+7°س-قا دەيىن, كۇندىز +5+15°س- قا دەيىن;
سولتۇستىكتە, سولتۇستىك-باتىستا, ورتالىقتا جانە شىعىستا تۇندە -5-15°س-تان -2+3°س-قا دەيىن, كۇندىز +2+10°س-قا دەيىن, ورتالىقتا جانە شىعىستا كەي جەرلەردە +13°س-قا دەيىن;
رەسپۋبليكانىڭ وڭتۇستىگىندە جانە وڭتۇستىك-شىعىسىندا تۇندە 0,-8°س-تان +2+10°س-قا دەيىن, كۇندىز +5+15°س-تان +10+23°س-قا دەيىن.
ءبىرىنشى ونكۇندىكتىڭ سوڭىندا قازاقستاننىڭ سولتۇستىك جارتىسىندا تۇنگى تەمپەراتۋرانىڭ تومەندەۋى بولجانادى.
ءساۋىردىڭ ەكىنشى جانە ءۇشىنشى ونكۇندىكتەرىندە يران مەن ورتا ازيا اۋداندارىنان جىلى اۋا ماسسالارىنىڭ شىعارىلۋىمەن تەمپەراتۋرا فونى كوتەرىلۋى مۇمكىن:
ەلدىڭ سولتۇستىگىندە, ورتالىعىندا جانە شىعىسىندا كۇندىز +15+25°س- قا دەيىن;
قازاقستان رەسپۋبليكاسىنىڭ وڭتۇستىك ايماقتارىندا جانە باتىسىندا +20+30°س- قا دەيىن.
الايدا سۋىق اۋا رايىنىڭ قايتۋى جانە اۋا تەمپەراتۋراسىنىڭ ايتارلىقتاي تومەندەۋى جوققا شىعارىلمايدى. رەسپۋبليكانىڭ سولتۇستىك, ورتالىق جانە شىعىس وڭىرلەرىندە رەسەي اۋماعىنان سۋىق اۋا ماسسالارىنىڭ ەنۋىنە بايلانىستى تەرمومەتر باعاندارى تۇندە 0,-9°س- قا دەيىن, كۇندىز +3+8°س- قا دەيىن, ەلىمىزدىڭ وڭتۇستىك وڭىرلەرى مەن باتىسىندا تۇندە -5+7°س- قا دەيىن, كۇندىز +10+17°س- قا دەيىن تومەندەۋى مۇمكىن.
