21 ناۋرىز ساعات 11:30-دا ريددەر قالاسى پوليتسيا ءبولىمىنىڭ كەزەكشى بولىمىنە قالا تۇرعىنىنان قوڭىراۋ تۇسكەن. ول ميكروقارجى ۇيىمىنىڭ كەڭسەسى تونالعانى تۋرالى حابارلادى. ونىڭ ۇستىنە جابىرلەنۋشى ءىرى كولەمدەگى اقشا سوماسىن ۇرلاعان قاسكوي ايەل ادام بولدى دەپ سەندىرگەن.
وقيعا ورنىنا ريددەر قالاسى پب تەرگەۋ-جەدەل توبى, سونداي-اق كريمينالدىق پوليتسيا بولىمشەسىنىڭ ايماقتىق-اۋماقتىق قىزمەتكەرلەرى جەدەل جىبەرىلدى. جەدەل-ىزدەستىرۋ شارالارىن جۇرگىزۋ بارىسىندا كريمينالدىق پوليتسيا بولىمشەسىنىڭ قىزمەتكەرلەرىنە جابىرلەنۋشىلەر مەن كۋاگەرلەر قاسكويدىڭ قىز ەكەنىن جانە ونىڭ جاقىن ماڭداعى تۇرعىن ۇيلەردىڭ اۋلالارى ارقىلى قاشىپ كەتكەنىن ايتقان. الايدا ءبىر ساعات ىشىندە جەدەل ۋاكىلدەر كۇدىكتى ەر ادامدى انىقتاپ, ۇستادى. ول ريددەر قالاسىنىڭ 45 جاستاعى تۇرعىنى بولىپ شىقتى.
قاسكۇنەم كوپتەن بەرى ريددەر قالاسىنداعى بازارلاردىڭ بىرىندە ورنالاسقان پايىزسىز قارىز بەرەتىن ميكروقارجى ۇيىمىنىڭ كەڭسەسىنە شابۋىلداۋدى جوسپارلاعانى انىقتالدى. ايەلدەر كيىمىن كيىپ الىپ, كاپيۋشونى بار اق ءتۇستى ايەلدەر كۇرتەشەسى, وكشەسى بار اق ەتىك, ايەلدەر پاريگى, قارا شارف جانە بەت-الپەتىن جاسىراتىن مەديتسينالىق ماسكا كيىپ العان قاسكۇنەم تانىماستاي وزگەرگەن. ول كەڭسەگە كىرىپ, قارۋ ءتارىزدى زاتپەن قورقىتىپ, مەنەدجەردەن ءىرى كولەمدەگى قاراجاتتى اشىق تۇردە ۇرلادى.
قازىرگى ۋاقىتتا اتالعان فاكتى بويىنشا قر قىلمىستىق كودەكسىنىڭ 191-بابى 2-بولىگى بويىنشا سوتقا دەيىنگى تەرگەپ-تەكسەرۋ باستالدى.
