ول ءوزىنىڭ دەپۋتاتتىق ساۋالىندا ەلدە كەيبىر مەملەكەتتىك فۋنكتسيالاردى باسەكەگە قابىلەتتى ورتا مەن ءوزىن-ءوزى باسقارۋ ورگاندارىنا بەرۋ ساياساتى ءجۇرىپ جاتقانىن اتاپ ءوتتى. الايدا شەنەۋنىكتەردىڭ فۋنكتسيونالدىق بەلسەندىلىگى سوڭعى جىلدارى ازايۋدىڭ ورنىنا تەك ءوسىپ جاتىر. كەيبىر مەملەكەتتىك قىزمەت تۇرلەرىن تاپسىرۋ, ءبىر جاعىنان, ازاماتتاردىڭ جەرگىلىكتى ءوزىن-ءوزى باسقارۋ ورگاندارى ارقىلى شەشىم قابىلداۋ پروتسەسىنە قاتىسۋ مۇمكىندىكتەرىن كەڭەيتسە, ەكىنشى جاعىنان, بيۋروكراتيالىق اپپاراتتى قىسقارتۋعا مۇمكىندىك بەرەدى.
«2015 جىلعى جاعداي بويىنشا مەملەكەتتىك ورگاندار تۋرالى ەرەجەگە سايكەس مەملەكەتتىك فۋنكتسيالاردىڭ سانى ءتورت جارىم مىڭعا جۋىقتادى. قازىر بۇل فۋنكتسيالاردىڭ سانى ودان دا كوپ بولۋى مۇمكىن, سەبەبى تاجىريبە مەملەكەتتىك ورگانداردىڭ فۋنكتسيالارىن ازايتۋدىڭ ەمەس, كوبەيتۋدىڭ جولىمەن كەلەدى», دەدى سەناتور.
قاناتبەك سافينوۆ مەملەكەتتىك ورگان ءوزىنىڭ فۋنكتسيالارىنىڭ ءبىر بولىگىنەن باس تارتقان جاعدايدا دا, كەيدە ولار سول مەملەكەتتىك ورگانعا باعىناتىن كومپانيالارعا اۋىساتىنىن اتاپ ءوتتى. رەسمي تۇردە تاپسىرىس ورىندالادى, فۋنكتسيالار باسەكەلەستىك ورتاعا بەرىلەدى, بىراق ءىس جۇزىندە مەملەكەتتىك ورگان بارلىعىن باقىلاۋدا ۇستاۋ مۇمكىندىگىن ساقتاپ قالدى.
ال شىن مانىندە, نەگىزگى يدەيا – ۇكىمەت پەن ازاماتتىق قوعام اراسىندا تەپە-تەڭدىكتى ساقتاۋ ەدى. «ۇلت جوسپارى – 100 ناقتى قادامنىڭ» وزىندە مۇنداي ترانسفەرت فۋنكتسيالاردى تەك باسەكەلەستىك ورتاعا بەرۋمەن شەكتەلمەيدى.
«ۇلت جوسپارى بويىنشا, مەملەكەتكە قاجەت ەمەس بىرقاتار فۋنكتسيانىڭ ورىندالۋىن كەيبىر مەملەكەتتىك مەكەمەلەردەن باسقا باعىنىشتى ۇيىمدارعا اۋىستىرۋ ەمەس, ولاردى قىسقارتۋ قاجەت», دەيدى قاناتبەك سافينوۆ.
وسىعان بايلانىستى سەناتور پرەمەر-مينيستردەن ۇكىمەتتىڭ وسى باعىتتاعى 2 جىل ىشىندە اتقارعان جۇمىستارى تۋرالى اقپارات بەرۋىن, ىسكە اسىرۋ مەرزىمى مەن كەزەڭدەرى تۋرالى مالىمەتپەن ءبولىسۋىن, سونداي-اق, الدىن-الۋ شارالارى تۋرالى ەسەپ بەرۋىن سۇرادى.
