9 مامىردا عالىمدار QazCovid-in ۆاكتسيناسىن ازىرلەپ شىعاردى.
15 مامىردا دەنساۋلىق ساقتاۋ ۇيىمى ونى كانديداتتىق ۆاكتسينا رەتىندە تىركەدى جەنە عالىمدار زەرتحانالىق جانۋارلارعا ەگۋ ارقىلى كلينيكاعا دەيىنگى زەرتتەۋدى باستادى.
ماۋسىم ايىندا قر دەنساۋلىق ساقتاۋ مينيسترلىگىنىڭ دارىلىك زاتتاردى ساراپتاۋ ۇلتتىق ورتالىعى زەرتتەۋدىڭ وڭ ناتيجەلەرىن مويىندادى.
شىلدەدە عالىمدار وزدەرى جاساپ شىعارعان QazCovid-in ۆاكتسيناسىن العاشقى بولىپ وزدەرىنە سالعىزدى.
17 قىركۇيەكتە 44 ەرىكتىنىڭ قاتىسۋىمەن I كەزەڭنىڭ كلينيكالىق زەرتتەۋلەرى باستالدى. ناتيجەسىندە ۆاكتسينا جوعارى قاۋىپسىزدىگىن كورسەتتى, ەرىكتىلەردىڭ جاعدايى قالىپتى.
17 قازاندا كلينيكالىق زەرتتەۋلەردىڭ II كەزەڭى باستالىپ, وعان 200 ەرىكتى قاتىستى.ناتيجەسىندە ۆاكتسينا جوعارى يممۋنوگەندىلىك پەن تيىمدىلىگىن كورسەتتى.
19 جەلتوقساندا دەنساۋلىق ساقتاۋ مينيسترلىگى كلينيكالىق زەرتتەۋلەردىڭ سوڭعى III كەزەڭىن جۇرگىزۋگە رۇقسات بەردى, ونىڭ اياسىندا 3 مىڭ ەرىكتىگە QazCovid-in ۆاكتسيناسى سالىندى.
قازىرگى ۋاقىتتا ەرىكتىلەردىڭ جاعدايى قالىپتى, جاقسى. ەرىكتىلەردىڭ قانىندا قاجەتتى قورعانىس انتيدەنەلەرى پايدا بولدى.
قر ءبىلىم جانە عىلىم ءمينيسترى اسحات ايماعامبەتوۆ, قر پرەزيدەنتىنىڭ كومەكشىسى ەرلان قارين, جامبىل وبلىسىنىڭ اكىمى بەردىبەك ساپارباەۆ, «قازاقستاندىق مەديتسينالىق كەڭەس» مەديتسينالىق ءبىلىم جانە عىلىم ۇيىمدارى قاۋىمداستىعىنىڭ پرەزيدەنتى تالعان نۇرعوجين QazCovid-in قازاقستاندىق ۆاكتسيناسىن كلينيكالىق سىناقتاردان تىس وزدەرىنە سالعىزدى.
