پرەمەر-مينيستر ورىنباسارى ەرالى توعجانوۆقا باعىتتاعان دەپۋتاتتىق ساۋالىندا ماجىلىسمەن حانگەلدى ءابجانوۆ توراعالىق ەتەتىن «ادىلەت» قوعامى مەن پروفەسسور عاريفوللا انەس باسقاراتىن «ارىس» قورىنا اشتىق قۇرباندارىن انىقتاپ, تىزىمدەۋ جۇمىستارىن قولعا الۋدا مەملەكەتتىك دەڭگەيدە قولداۋ كورسەتۋ كەرەك دەگەن وي ايتادى.
«بۇگىندە الاش اسكەرىنىڭ قۇرامىندا ءجۇرىپ جانىن پيدا ەتكەندەردىڭ سۇراۋ سالاتىن ىزدەۋشىلەرى دە جوق. ارينە, ولار ءالى كۇنگە دەيىن اقتالعان جوق. Nur Otan فراكتسياسىنداعى ارىپتەسىمىز بەرىك ابدىعالي ۇلى بۇل تاقىرىپتى زەرتتەۋدى باستاپ كەتكەن دە بولاتىن. بۇل كوتەرىلىستەردە قۇربان بولعان باتىر بابالارىمىز بەن الاش اسكەرىنىڭ قۇرامىندا ءجۇرىپ, جانىن پيدا ەتكەندەردىڭ ءتىزىمىن انىقتاۋدى رەسمي قولعا الۋ قاجەت», دەدى دەپۋتات.
دەپۋتتاتتىڭ پىكىرىنشە, رەپرەسسيا مەن اشتىقتان قاشىپ, شەكارادا قىزىلداردىڭ قىرعىنىنا ۇشىراعان بوسقىنداردىڭ ءتىزىمىن ءارتۇرلى دەرەككوزدەردى پايدالانا وتىرىپ انىقتاۋدى ۇسىندى.
«1920-1930 جىلدارى بولعان 360-تان استام قارۋلى كوتەرىلىس پەن اشتىق قۇرباندارىن تىزىمدەۋ بارىسىندا ولاردىڭ تۋىستارى مەن بۇگىنگى ۇرپاقتارىن ىزدەستىرىپ, ونى جاريالاپ جانە جاڭالاپ وتىرۋ ءۇشىن ارنايى رەسمي سايت اشىپ, ونىڭ تۇراقتى جۇمىس ىستەۋىن قامتاماسىز ەتۋ جانە بۇل شارالاردى «رۋحاني جاڭعىرۋ» باعدارلاماسى اياسىندا جۇزەگە اسىرۋ كەرەك» دەلىنگەن دەپۋتاتتىق ساۋالدا.
