ءوزىن ءوزى كۇتىپ, كوپشىلىك جەرگەبارماي, ۇيدە وتىرعان ارداگەر قاريالاردىڭ كەيبىرى وسى ناۋرىز ايىندا ۇيگە كەلگەن قوناقتاردىڭ سەبەبىنەن اۋىرىپ قالعان.
– كوروناۆيرۋس اسىرەسە ەگدە ادامدارعا قاتەرلىدەرت. سوندىقتان اياۋلى ارداگەرلەرىمىزدى قاتەرگەبايلامايىق. جەرگىلىكتى شەنەۋنىكتەرگە, جالپىكوپشىلىككە ايتارىم, قارتتاردى تەك تەلەفون ارقىلى قۇتتىقتاڭىزدار. سىيلىقتارىڭىز بولسا, ونى ەرىكتىلەر ارقىلى جولداڭىزدار. نەمەسەكارانتين تالاپتارىن قاتاڭ ساقتاپ قاناكەزدەسىڭىزدەر, – دەدى وبلىس اكىمى عالي ەسقاليەۆناۋرىزدىڭ 29-ى كۇنى وتكەن شتاب وتىرىسىندا.
راسىندا دا وبلىس سوڭعى اپتالار بويى «قىزىلايماقتان» شىعا الماي كەلەدى. جىل باسىنان بەرىوڭىردە COVID-19 دەرتىنەن 68 ادام قايتىسبولعان. قايتىس بولعانداردىڭ 74 پايىزى 65-تەن اسقان ادامدار. مارقۇمداردىڭ 56-سى قالادا, 12-ءسى اۋىلدا تۇرعان. 36-سى – ايەل, 32-ءسى – ەر ادامەكەن. ناۋرىز ايىنىڭ ىشىندە 25 ادام وسى دەرتتەن كوز جۇمىپتى. وبلىستىڭ باس سانيتارى مۇحامعالي ارىسپاەۆ جاقىندا وتكەن ناۋرىزمەيرامدارىنىڭ «جەمىسى» الداعى اپتادا بەلگىلىبولادى دەيدى. ياعني ۆيرۋس جۇقتىرعاندار سانى تاعى ءوسۋى مۇمكىن. ناۋرىز ايى باستالعالى وڭىردەCOVID-19 جۇقتىرعان 1 868 وقيعا تىركەلگەن. وسى ىندەتتەن ەمدەيتىن 8 ينفەكتسيالىقستاتسيوناردا جالپى سانى 596 ورىن بولسا, قازىروندا 355 ادام ەمدەلىپ جاتىر ەكەن. ياعنياۋرۋحانالار 59,6 پايىزعا تولىق.
– بىلتىر جازدان كەيىن كوروناۆيرۋس دەرتىنىڭبەتى قايتىپ, ءبىر قالىپقا تۇسكەلى بەرىاۋرۋحانالاردا جاتقان ناۋقاستار سانى 180 ادامنىڭ توڭىرەگىندە بولاتىن. سوڭعى كەزدە بۇلسان ەكى ەسە ارتىپ كەتتى. بۇل قاۋىپتى جاعداي, – دەيدى وبلىستىق دەنساۋلىق ساقتاۋباسقارماسىنىڭ باسشىسى ارمان تالعات ۇلى.
م.ارىسپاەۆ وبلىستىق شتاب وتىرىسىنداحالىقتىڭ كوپشىلىك شارالاردى جاسىرىپ وتكىزۋىجيىلەپ كەتكەنىن, ساراپتاما ناتيجەسى 566 ادامنىڭ ۆيرۋستى كوپشىلىك ورىندارداجۇقتىرعانىن, 544 ناۋقاس قوعامدىق كولىكتەناۋرۋ تاپقانىن, 115 ادامنىڭ مەرەكەلىكشارالارعا قاتىسىپ دەرتتى بولعانىن ايتتى. «وبلىستا جۇمىس ىستەپ تۇرعان 168 مونيتورينگ توبىنىڭ جۇمىسى ماردىمسىز. ناۋرىز ايىندا10 ادامعا عانا بەتپەردەسىز جۇرگەنى ءۇشىن حاتتاماتولتىرىلعان, كوپ ادام جيناپ توي-تومالاقوتكىزگەن 2 وقيعا عانا اشكەرەلەنگەن, بۇل وتە از» دەدى باس سانيتار.
باتىس قازاقستان وبلىسى – 16 ناۋرىزدان بەرى«قىزىل ايماقتا». باس سانيتاردىڭ قاۋلىسىمەنوڭىردە كارانتين شارالارى كۇشەيتىلدى. م.ارىسپاەۆ شەكتەۋ شارالارىن 16 ساۋىرگە دەيىنۇزارتۋ قاجەت دەگەن پىكىردە.
ورال قالاسىنىڭ اكىمى ءوز سوزىندە قالالىقمونيتورينگتىك توپتار جىل باسىنان بەرىكارانتين تالابى بۇزىلعان 94 وقيعانى تىركەپ, 44 حاتتاما تولتىرىلعانىن جەتكىزدى. وسى ناۋرىزايىندا عانا 19 وقيعا اشكەرە بولىپتى. ونىڭىشىندە «ءلاززات» مەيرامحاناسىنداعى 60 ادامدىقتوي, «دينا» تويحاناسىندا 90 ادام قاتىسقان توي انىقتالعان.
– ءبىز بۇعان دەيىن كارانتين ءتارتىبىن بۇزىپ, كوپشىلىك شارا وتكىزگەن مەيرامحانا-تويحاناباسشىلارىن, ۇيىمداستىرۋشىلاردى جازالاپ, ايىپپۇل سالىپ كەلدىك. ەندى وسىنداي شاراعاقاتىسقان ءار ادامعا 83 مىڭ تەڭگە كولەمىندەايىپپۇل سالۋدى ۇسىنامىن. مۇنداي قاتاڭشاراعا وڭىردەگى قاۋىپتى جاعداي ماجبۇرلەپ وتىر, – دەدى قالا اكىمى ابات اباي ۇلى.
شتاب وتىرىسىندا وبلىس اكىمىنىڭ ورىنباسارىباقىتجان نارىمبەتوۆ ءبىلىم سالاسىنداقالىپتاسقان احۋالعا شولۋ جاسادى. ماسەلەن, وڭىردەگى 379 ءبىلىم بەرۋ ۇيىمىنىڭ 278-ءى قازىرشتاتتىق رەجىمدە قىزمەت ەتەدى. وندا 28 مىڭعاجۋىق وقۋشى ءبىلىم الادى. سونداي-اق 100 مەكتەپتە 83 مىڭعا جۋىق وقۋشى ارالاسفورماتتا وقىپ ءجۇر. تەك ءبىر مەكتەپ 240 وقۋشىنى قاشىقتان وقىتۋدا.
– بيىلعى وقۋ جىلىنىڭ ءتورتىنشى توقسانى 1 ساۋىردە باستالادى. ءبىلىم بەرۋ ورىندارىنداسانيتارلىق-ەپيدەميالىق تالاپتاردىڭ ساقتالۋىقاتاڭ باقىلاۋدا. بۇعان جاۋاپتى ماماندار تاعايىندالعان. وڭىردەگى بارلىق 57 302 وقۋشىنىڭ ىشىنەن 209 وقۋشى جانە 38 پەداگوگ COVID-19 جۇقتىرعان. بىراق ولاردىڭ ءبىر دە ءبىرى مەكتەپ ىشىندە بولعان جاعداي ەمەس, – دەدى باقىتجان حابەر ۇلى. اكىم ورىنباسارىنىڭ ايتۋىنشا, بۇگىندە پەداگوگ ماماندارىن كوروناۆيرۋسقا قارسى ۆاكتسينالاۋ جۇمىسى قىزۋ جۇرۋدە.
قازاقتا «اتىڭدى اياساڭ, ايىلىن قاتتى تارت» دەگەن ءسوز بار. وڭىردەگى كارانتين تالاپتارىنىڭ قاتاڭداۋى – حالىقتىڭ قامىن ويلاعاننان تۋعان قارەكەت, قاۋىپتى ۆيرۋستى ودان ءارى تاراتپاۋدىڭ قامى. سوندىقتان حالىق قاۋىپسىزدىك شارالارىنىڭ كۇشەيگەنىنە تۇسىنىستىكپەن قاراپ وتىر.
