تالدىقورعان قالاسىنىڭ باس سانيتار دارىگەرى ءساۋىردىڭ 1-15 ارالىعىندا كارانتين شارالارىن كۇشەيتۋ جونىندە شەشىم قابىلدادى. بۇل كۇندەرى وبلىس ورتالىعىنداعى جۇمىسشى سانى 20-دان اساتىن مەكەمەلەر مەن ۇجىم قىزمەتكەرلەرىنىڭ 70 پايىزى ونلاين فورماتتا جۇمىس ىستەيدى.
بۇدان بولەك, بارلىق ءبىلىم مەكەمەلەرىندە وقىتۋ قاشىقتىقتان جۇرگىزىلەدى. دەمالىس كۇندەرى قاتاڭ كارانتين جاريالانىپ, ازىق-ت ۇلىك پەن قۇرىلىس ماتەريالدارىنان باسقا تاۋار ساتاتىن ساۋدا ورتالىقتارى, قوعامدىق تاماقتانۋ ورىندارى جابىلادى. سەنبى, جەكسەنبى كۇندەرى ساۋىقتىرۋ ورىندارى مەن قوعامدىق مونشا, ساۋنالار, تەاتر مەن كينوتەاترلار جۇمىس ىستەمەيدى.
«مۇعالىمدەر مەن وقۋشىلاردىڭ اراسىندا ەكى ايدىڭ ىشىندە 39 وقۋشى كوروناۆيرۋس ينفەكتسياسىمەن ناۋقاستاندى, سونداي-اق 17 مۇعالىم ىندەت جۇقتىردى. سول سەبەپتى ءبىز مەكتەپتەردى ونلاين رەجيمگە جىبەرىپ جاتىرمىز», دەيدى قالانىڭ باس سانيتار دارىگەرى ەرمەك اسەمقۇلوۆ.
