قازاقستان • 29 ناۋرىز، 2021

قازاقستاندىق قىزداردى باحرەينگە قۇلدىققا جىبەرگەن كۇدىكتىلەر ۇستالدى

1290 رەت كورسەتىلدى

قر ىشكى ىستەر مينيسترلىگى تەرگەۋ دەپارتامەنتىنىڭ باسشىسى سانجار ءادىلوۆ باحرەيندە سەكسۋالدى ەكسپلۋاتاتسيا ماقساتىندا قىزداردىڭ ساۋداسىمەن اينالىسقان قىلمىستىق توپقا قاتىستى تەرگەۋ بارىسىن ايتتى.

بەلگىلى بولعانداي، قىلمىستىق توپتىڭ قۇرامىندا قازاقستان، رەسەي جانە باحرەين ازاماتتارى بولعان. ولار 2016-2020 جىلدار ارالىعىندا ەلىمىزدىڭ اۋماعىندا قىزداردى الداپ، باحرەين كورولدىگىنە الىپ شىعۋمەن اينالىسقان. «جالپى، زارداپ شەككەن 39 ادامدى انىقتادىق، ولار شىمكەنت قالاسى مەن تۇركىستان وبلىسىنىڭ تۇرعىندارى. قازىرگى كەزدە قىلمىستىق ءىس بويىنشا كۇدىكتى رەتىندە 19 ادام تانىلدى. ولاردىڭ اراسىندا ۇشەۋىنە ىزدەۋ جاريالاندى»، دەدى س. ءادىلوۆ ونلاين رەجيمدەگى بريفينگىدە.

ونىڭ ايتۋىنشا، سوڭعى ەكى اپتادا قازاقستاننىڭ 6 ازاماتىنىڭ شەتەلدەگى تۇرعىلىقتى جەرى انىقتالدى، وسىعان دەيىن ولاردى دا سەكسۋالدى قۇلدىقتا ۇستاۋ ءۇشىن شەتەلگە شىعارعان. «سىرتقى ىستەر مينيسترلىگى، باس پروكۋراتۋرامەن ءوزارا ءىس-قيمىل ناتيجەسىندە قىزدار باحرەيننەن، تۇركيادان جانە ءباا-دەن قايتارىلدى. بىزدە ترانسۇلتتىق ۇيىمداسقان قىلمىستىق توپتى قۇرۋ مەن باسقارۋ بويىنشا قوسىمشا قىلمىستىق ءىس قوزعالدى. جاقىن ارادا قىلمىستىق ءىستى تەرگەۋ اياقتالادى، ايىپتاۋ اكتىسىمەن سوتقا جولدانادى»،  دەدى سانجار ءادىلوۆ.

ونىڭ سوزىنە قاراعاندا، انىقتالعان بارلىق جابىرلەنۋشى ەلىمىزگە قايتارىلدى. ولارعا قانداي دا ءبىر قاۋىپ ءتونىپ تۇرعان جوق. ەسكە سالا كەتەيىك، بىلتىر كۇزدە سەكسۋالدىق قۇلدىق ءۇشىن قازاقستاننان باحرەينگە قىزداردى جەتكىزگەن قىلمىستىق توپتىڭ ارەكەتى اشكەرە بولدى. قىلمىسكەرلەر ادامداردىڭ سەنىمىنە كىرىپ، شەتەلدە كوپ اقشا تابۋعا بولاتىنى جونىندە وتىرىك سوزگە سەندىرگەن. بويجەتكەندەر كەلىسكەننەن كەيىن ولاردىڭ قۇجاتىن راسىمدەۋ، زارداپ شەگۋشىلەردى، ونىڭ ىشىندە كامەلەتكە تولماعانداردى زاڭدى جولمەن باحرەين كورولدىگىنە الىپ شىعۋدى ۇيىمداستىرعان.



سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار