عابەڭ عيبراتى

جۋىردا الماتى قالالىق ءتىل­دەردى دامىتۋ باسقارماسى جانە ءسابيت مۇقانوۆ پەن عابيت مۇسىرە­پوۆتىڭ مەملەكەتتىك ادەبي-مەمو­ريالدىق مۋزەي كەشەنى ۇيىمداس­تىرۋىمەن ءداستۇرلى “عابيت وقۋ­لارىنىڭ” اشىلۋى بولدى. ەڭ الدىمەن ع.مۇسىرەپوۆ اتىن­داعى بالالار مەن جاستار تەاترى­نىڭ الدىنداعى جازۋشى ەسكەرتكى­شىنە “عابيت وقۋلارىنا” قاتىسۋ­شىلار گۇل شوقتارىن قويىپ, عابەڭ رۋحىنا تاعزىم ەتتى. ءداستۇرلى “عابيت وقۋلارى” بيىل 1941-1945 جىلدارداعى ەكىن­شى دۇنيەجۇزىلىك سوعىستاعى جەڭىس­تىڭ 65 جىلدىعىنا ارنالدى. قازاق ادەبيەتىنىڭ كلاسسيكتەرى, اكادەميك-جازۋشىلار عابيت مۇسىرەپوۆ “قازاق سولداتى” رومانىمەن, ءسابيت مۇقانوۆ “پراۆدانىڭ” ءتىلشىسى رەتىندە مايداننىڭ العى شەبىندە بولىپ, “مالىك عابدۋل­لين”, “مانشۇك مامەتوۆا”, ت.ب. وچەرك كىتاپشالارىمەن, جاۋىن­گەرلەرمەن جازىسقان حاتتارىمەن بۇل تاقىرىپقا ارنايى قالام تەربەگەن. “سوعىس جانە سۋرەتكەر” اتتى شاعىن كورمە ۇيىمداس­تىرى­لىپ, ونىڭ اشىلۋى وسى “عابيت وقۋلارىنىڭ” اياسىندا ءوتتى. “عابيت مۇسىرەپوۆ پەن زامانداس جازۋشىلاردىڭ شىعار­ما­لارىنداعى ءپاتريوتيزمنىڭ, ۇلت­تىق نامىستىڭ كوركەمدىك شەشىم­دەرى” دەگەن تاقىرىپتا بەلگىلى ماي­دانگەر قالامگەر, قازاقستان­نىڭ حالىق جازۋشىسى, مەملەكەتتىك سىيلىقتىڭ لاۋرەاتى ءازىلحان نۇر­شايىقوۆتىڭ اڭگىمە-بايانى تار­تىم­دى دا تاعىلىمدى بولدى. الماتى قالالىق تىلدەردى دامىتۋ باسقارماسىنىڭ باستىعى ماماي احەت جانە س.مۇقانوۆ پەن ع.ءمۇسى­رە­پوۆتىڭ مەملەكەتتىك ادەبي-مە­مو­ريال­دىق مۋزەي كەشەنىنىڭ ديرەك­تورى ادىلعازى قايىربەكوۆ بيىل ءتورتىنشى رەت وتكىزىلىپ وتىرعان “عابيت وقۋلارىنىڭ” ەرەكشەلىك­تەرى تۋرالى وي ءبولىستى. حالىقارا­لىق “الاش” سىيلىعىنىڭ لاۋرەا­تى ورازاقىن اسقار عابەڭە قاتىس­تى, “قازاق باتىرىنا” قاتىستى وي ءبولىسىپ, جينالعانداردى ءتانتى ەتتى. ع.مۇسىرەپوۆتىڭ جيەنى قاناتباي بازارباەۆ زەرگەر سۋرەتكەر جايلى ءوز ەستەلىكتەرىن ءبولىستى. رەسپۋبليكالىق ءبىلىم بەرۋ ءجۇ­يە­سىنىڭ باسشى جانە عىلىمي-پەدا­گوگيكالىق كادرلار بىلىكتىلىگىن ارت­تىراتىن ينستيتۋتتىڭ مامان­دارى (جەتەكشى – كابينەت مەڭگەرۋ­شىسى قارلىعاش جۇنىسحانقىزى), ءوز تىڭ­­داۋشىلارى – وبلىستىق, اۋ­دان­­دىق وقۋ بولىمدەرىنىڭ باسشى­لارىمەن كەلىپ, ءوز سوزدەرىندە “عا­بيت وقۋ­لارىنىڭ” جاس ۇرپاق ءتار­بيەسىندەگى ماڭىزدىلىعىن اتاپ ءوتتى. ع.مۇسىرەپوۆ اتىنداعى №86 گيمنازيانىڭ وقۋشىلارى (جەتەك­شى – تامارا قۋانىشقىزى) دا بۇل يگى شاراعا بەلسەنە ات سالىسىپ, ءوز ونەرلەرىن ورتاعا سالدى. “عابيت وقۋلارىنا” قاتىسۋ­شىلار ارنايى العىس حاتتارمەن ماراپاتتالىپ, فوتوسۋرەتكە ءتۇستى, مۋزەيدىڭ تىلەك كىتابىنا ءوز قولتاڭبالارىن قالدىردى. “عابيت وقۋلارىنا” وراي 2010 جىلدىڭ 21 ساۋىرىنەن 1 مامىرعا دەيىن مۋزەيدىڭ اشىق ەسىك كۇندەرى جاريالاندى. جانار تاەۆا.