وڭالتۋ ورتالىعى اشىلدى

جاڭا مەكەمە اۋدانى 1700 شار­شى مەتر بولاتىن ءۇش قاباتتى عي­ماراتتا ورىن تەپتى. ءبىرىنشى قا­باتتا تىركەۋ ورنى مەن ليفت, ەكىن­شى قاباتتا وڭالتۋ تەراپياسىنان وتۋگە ارنالعان مەديتسينالىق جاب­دىق­تارى بار زالدار, ءۇشىنشى قا­باتتا ەمشارا كابينەتتەرى مەن تاۋ­لىك بويى جاتۋعا ار­نال­عان پالاتالار ورنالاسقان.

مامانداردىڭ ايتۋىنشا, مۇندا اي سايىن 80-نەن استام ادام وڭالتۋدان وتەدى. جاڭا ورتالىق قالادان بولەك, جاقىن ماڭداعى پريوزەرسك قالاسى مەن اقتوعاي جانە شەت اۋداندارىنان دا ناۋقاس­تار­دى قابىلدايتىن بولادى. پاتسيەنتتەرگە ورتالىق شتا­تىنداعى 6 دارىگەر مەن 14 مەدبيكە قىزمەت كورسەتەدى.

ايتا كەتەتىن ءبىر جايت, بۇعان دەيىن بالقاش قالا­سى­نىڭ 700-گە جۋىق تۇر­عىنى جىل سايىن وبلىستىق كلينيكالارعا وڭالتۋعا جى­بە­رىلەتىن. ەندى جاع­داي مۇل­دە وزگەردى: بالقاش­تىقتار ءۇشىن كومەكتىڭ بۇل ءتۇرى قا­لا­نىڭ وزىندە قولجەتىمدى بولدى. وڭالتۋ ور­تا­لىعى مە­ديتسينالىق قىز­مەت­تىڭ سان الۋان ءتۇرىن كورسەتەدى. مى­سا­لى, مۇندا ورتا­لىق جانە پەري­فە­ريا­لىق جۇيكە جۇيەسى, قان اينالىمى جۇيەسى اۋرۋلارىنا بايلانىستى قوز­عا­لۋ بۇزىلىستارى بار, جا­راقاتتاردان, جۇرەككە, ميعا جانە بۋىندارعا وپەرا­تسيا جاسالعاننان كەيىنگى جاع­داي­داعى ەرەسەك پاتسيەنتتەر ەمدەلەتىن بولادى. مۇندا ولار كينەزوتەراپيا, مەحانوتەراپيا جانە ەرگوتەراپيا, ءدارى-دارمەكپەن ەمدەۋ جانە باسقا دا مەديتسينالىق قىزمەت تۇرلەرىن الادى.

ەسكە سالا كەتسەك, بال­قاش­تا وڭال­تۋ ورتالىعى اشىلماي تۇرىپ جۇق­پالى اۋرۋلار اۋرۋ­حاناسىنىڭ كوروناۆيرۋس ينفەكتسياسىن جۇق­تىر­عان ناۋ­قاستار ەمدەلەتىن كور­پۋ­سى ىسكە قوسىلعان بولاتىن. ءتورت قاباتتى عيماراتتى كۇردەلى جون­دەۋ 2021 جىلدىڭ اقپان ايى­نىڭ­ سوڭىندا اياقتالدى. بۇعان دەيىن كورپۋس ءتورت جىل بويى تەك جارتىلاي عانا پايدالانىلىپ كەلگەن ەدى. قازىر مەكەمە 100 تو­سەك­كە ارنالعان تولىققاندى تيپ­تىك جۇقپالى اۋرۋلار اۋرۋحاناسىنا اينالدى.

قاراعاندى وبلىسى,

بالقاش قالاسى