ىلە-الاتاۋ مەملەكەتتىك ۇلتتىق تابيعي پاركىنەن جەر ۋچاسكەلەرىن تۋريستىك جانە رەكرەاتسيالىق قىزمەتتى جۇزەگە اسىرۋعا 25 جىلعا دەيىن ۇزاقمەرزىمدى جانە 5 جىلعا دەيىن قىسقامەرزىمدى پايدالانۋعا بەرۋگە باعىتتالعان كونكۋرس پەن تەندەر وتكىزىلمەيدى.
ۆەدومستۆو حابارلاعانداي, بۇعان جوسپارلانعان تەندەر مەن كونكۋرستىڭ وتەتىن ۋاقىتىنا قاتىستى جىبەرىلگەن تەحنيكالىق قاتەلىك سەبەپ بولعان.
ەسكە سالايىق, 2021 جىلى اقپان ايىندا ىلە-الاتاۋ ۇلتتىق پاركىندە ەكولوگيالىق تۋريزم ينفراقۇرىلىمىن دامىتۋدىڭ باس جوسپارى بويىنشا قوعامدىق تىڭداۋ وتكەن.
«قوعامدىق تىڭداۋ حاتتاماسى ىلە-الاتاۋ ۇلتتىق پاركى مەن الماتى قالاسى جانە الماتى وبلىسى تۋريزم باسقارمالارىنىڭ سايتىندا جاريالاندى. ۇلتتىق پاركتەردە تۋريستىك جانە رەكرەاتسيالىق قىزمەتتى جۇزەگە اسىرۋ ەرەجەسىنە سايكەس تەندەر جانە كونكۋرس قۇجاتتارىنىڭ جوباسى دا ۇلتتىق پاركتىڭ ينتەرنەت رەسۋرسىنا سالىندى. جاقىن ارادا «ىلە-الاتاۋ» مۇتپ تەندەر مەن كونكۋرس بويىنشا تالقىلاۋ جانە ءتۇسىندىرۋ جۇمىسىن جۇرگىزەدى. قابىلداناتىن شەشىمدەردىڭ اشىقتىعىن قامتاماسىز ەتۋ ءۇشىن ۇلتتىق پاركتىڭ قوعامدىق كەڭەستەرىنىڭ وتىرىسى دا وتكىزىلەدى», دەلىنگەن حابارلامادا.
