ايماقتار • 25 ناۋرىز، 2021

«تىزىمگە ەنبەگەن دەپۋتاتتارعا نەگە ۆاكتسينا سالىنعان؟»: دەنساۋلىق ساقتاۋ باسقارماسىنىڭ وكىلى جاۋاپ بەردى

39 رەت كورسەتىلدى

الماتىدا قوعامدىق دەنساۋلىق ساقتاۋ باسقارماسىنىڭ وكىلى لاۋرا مىرزاعالي ونلاين بريفينگ بارىسىندا قالالىق ءماسليحاتتىڭ دەپۋتاتتارىنا ىندەتكە قارسى ۆاكتسينا نە ءۇشىن سالىنعانىن ايتىپ بەردى، دەپ حابارلايدى Egemen.kz

تەلەمەديتسينا ديرەكتورىنىڭ ايتۋىنشا، قازىرگى تاڭدا دەنساۋلىق ساقتاۋ مينيسترلىگى بەلگىلەپ بەرگەن ادامدارعا ۆاكتسينالاۋ بولىپ جاتىر. ولار – مەديتسينا قىزمەتكەرلەرى، مۇعالىمدەر، اسكەري جانە پوليتسيا قىزمەتكەرلەرى، ستۋدەنتتەر، مەكتەپكە دەيىنگى ۇيىم قىزمەتكەرلەرى، ديسپانسەردە ەسەپتە تۇرعان ادامدار.

ونلاين بريفينگ بارىسىندا جۋرناليستەر سپيكەردەن دەنساۋلىق ساقتاۋ مينيسترلىگى بەكىتكەن تىزىمگە ەنبەگەن دەپۋتاتتارعا نەگە ۆاكتسينا سالىنعانىن سۇرادى.

وسى تۇستا لاۋرا مىرزاعالي بىلايشا جاۋاپ بەردى: «ارنايى قور بار. مالىمەتتەر بازاسىندا ۆاكتسيناتسيالانعان بارلىق ادامدار قىزمەتى بويىنشا ناقتى سيپاتتالعان. باسشىلىق لاۋازىمداعى ادامدار قاجەت بولعان جاعدايدا ۆاكتسينا الۋى كەرەك. دەپۋتاتتار – ۇنەمى حالىقپەن، مەديتسينا قىزمەتكەرلەرىمەن جانە تاعى باسقالارمەن بايلانىستا بولاتىن ادامدار. سوندىقتان ارنايى قوردىڭ شەشىمىمەن بۇل ادامدارعا ۆاكتسينا ەگىلدى. الماتىعا بولىنگەن دوزا وڭدى-سولدى تاراتىلمايدى. مۇنىڭ ءبارى كەيىنىرەك تەكسەرىلەدى».

ايتا كەتەيىك، وتكەن ايدا الماتى ءماسليحاتىنىڭ دەپۋتاتتارى كوروناۆيرۋسقا قارسى ۆاكتسينا سالدىرعان ەدى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار