كەشە قازاقستاننىڭ اۋماعىنا گەرمانيا, يتاليا, مالديۆ رەسپۋبليكاسى, كورەيا رەسپۋبليكاسى, ءباا, مىسىر, تۇركيا, مونعوليا, رەسەي فەدەراتسياسى, بەلارۋس رەسپۋبليكاسى, تاجىكستان, وزبەكستان جانە قىرعىزستاننان 42 حالىقارالىق اۋە رەيسى قوندى.
5 176 اۋە جولاۋشىلارىنىڭ ىشىندە پتر-تەستىلەۋدىڭ تەرىس ناتيجەسى بار انىقتامامەن 5 133 ادام, انىقتاماسىز 43 قر ازاماتى بولدى. سونىڭ ىشىندە الماتى قالاسىنىڭ اۋەجايىنا – 22 رەيس, 2 813 جولاۋشى, انىقتامامەن – 2 781, انىقتاماسىز – 32;
نۇر-سۇلتان قالاسىنىڭ اۋەجايىنا – 7 رەيس, 727 جولاۋشى, انىقتامامەن – 716; انىقتاماسىز – 11;
شىمكەنت قالاسىنىڭ اۋەجايىنا – 9 رەيس, بارلىق 1 115 جولاۋشى انىقتامامەن;
اقتاۋ قالاسىنىڭ اۋەجايىنا – 3 رەيس, بارلىق 471 جولاۋشى انىقتامامەن;
ورال قالاسىنىڭ اۋەجايىنا – 1 رەيس, بارلىق 50 جولاۋشى انىقتامامەن كەلگەن.
انىقتاماسىز كەلگەن قازاقستان ازاماتتارى كەلگەن جەرلەرى بويىنشا COVID-19-عا پتر-تالداۋ ادىسىمەن تەستىلەندى جانە كارانتيندىك ستاتسيونارلاردا ءوز ناتيجەلەرىن كۇتىپ وتىر. ال انىقتاماسىز كەلگەن 32 قر ازاماتىنىڭ پتر-تالداۋ ناتيجەلەرى بويىنشا ەكى جولاۋشىدان كوروناۆيرۋس ينفەكتسياسى انىقتالدى. ونىڭ ىشىندە ءبىر جولاۋشى ىستانبۇل – الماتى رەيسىمەن, ەكىنشى جولاۋشى كيەۆ – نۇر-سۇلتان رەيسىمەن ۇشىپ كەلگەن.
