وقيعا • 25 ناۋرىز، 2021

ناۋرىز مەرەكەسىنە وراي قۇتتىقتاۋلار

7 رەت كورسەتىلدى

قاسىم-جومارت توقاەۆتىڭ اتىنا ناۋرىز مەرەكەسىنە وراي شەت مەملەكەتتەردىڭ باسشىلارىنان جانە حالىقارالىق ۇيىمداردىڭ جەتەكشىلەرىنەن قۇتتىقتاۋ حاتتار مەن جەدەلحاتتار كەلىپ تۇسۋدە، دەپ حابارلادى Akorda.kz.

قحر توراعاسى سي تسزينپين ءوزىنىڭ قۇتتىقتاۋ جەدەلحاتىندا قىتاي مەن قازاقستان ىن­تىماقتاستىقتىڭ ءارتۇرلى سالا­سىندا تابىستى ناتيجەلەرگە قول جەتكىزگەنىن جانە بۇل ەكى مەملەكەتتىڭ حالىقتارىنا زور پايدا اكەلگەنىن جازعان.  سون­داي-اق سي تسزينپين كەلە­سى جىلى ەكى ەل دە ءوزارا ور­نات­قان ديپلو­ما­تيالىق قاتىناس­تارى­نىڭ 30 جىل­دىعىن اتاپ وتە­تىنىنە توقتالىپ، قىتاي-قازاق قاتىناستارىن جاڭا دەڭگەيگە كوتەرۋ ماقساتىندا سترا­تەگيا­لىق ساباقتاستىقتى ودان ءارى قولداپ، تەرەڭدەتۋدىڭ ما­ڭىزدى ەكەنىن ايتقان.

«مەن قىتاي-قازاق قاتىناس­تارىن دامىتۋعا باسا ءمان بەرە­مىن. سىزبەن بىرگە قىتاي مەن قازاق­­ستان اراسىنداعى ءداستۇرلى دوس­تىقتى نىعايتىپ، ەكى ەل مەن ولار­دىڭ حالىقتارىنىڭ يگى­لىگى جولىن­داعى ءوزارا ءتيىمدى ىنتىماقتاس­تىقتى تەرەڭدەتۋ ءۇشىن كۇش جۇ­مىلدىرۋعا دايىنمىن»، دەلىن­گەن قحر توراعاسى­نىڭ جەدەلحاتىندا.   

وزبەكستان پرەزيدەنتى شاۆ­كات ميرزيوەۆ قۇتتىقتاۋ حاتىندا ەكى ەل الداعى ۋاقىتتا وزبەك­ستان مەن قازاقستان اراسىن­­داعى تۇراقتى دامىپ كەلە جات­­قان ءوز­ارا ستراتەگيالىق سەرىكتەس­تىك­تى كەڭەيتە الاتىنىنا جانە دوستاس ەكى حالىققا ورتاق مۇددەنى كوزدەيتىن وتە جاقسى ناتيجەلەرگە قول جەتكىزەتىنىنە سەنىم بىلدىرگەن.

قىرعىزستان پرەزيدەنتى سادىر جاپاروۆ قازاقستان مەن قىرعىزستان اراسىنداعى باۋىر­لاستىق قاتىناستار مەن ءوزارا ءتيىمدى ىنتىماقتاستىقتىڭ تاتۋ كورشىلىك، ستراتەگيالىق سەرىك­تەس­تىك پەن وداقتاستىق نەگى­زىندە ەكى حالىقتىڭ مۇددەلەرىن كوز­دەي وتىرىپ، ودان ءارى نىع­اياتىنى جانە داميتىنى جونىندە جازعان.

تاجىكستان پرەزيدەنتى ەمو­مالي راحمون ءوز قۇتتىق­تاۋىندا ەكى مەملەكەت اراسىنداعى ءوزا­را ءتيىمدى ىنتىماقتاستىققا با­عىت­تالعان قارىم-قاتىناستار قاس­تەرلى ناۋرىزدىڭ ماڭگىلىك ءداس­تۇرى نەگىزىندە قارىشتاپ دامىپ، كە­ڭە­يىپ، جاڭا ءمان-مازمۇنمەن تە­رەڭ­دەي بەرەتىنىنە سەنىم بىلدىرگەن.

تۇرىكمەنستان پرەزيدەنتى گۋربانگۋلى بەردىمۇحامەدوۆ جەدەلحاتىندا قاسىم-جومارت توقاەۆقا جانە باۋىرلاس قازاق­ستان حالقىنا باقىت، شاتتىق جانە جاڭا تابىس تىلەگەن.

ازەربايجان پرەزيدەنتى يل­حام اليەۆتىڭ جولداعان قۇتتىقتاۋ حاتىندا ازەربايجان مەن قازاقستان ارا­سىنداعى قارىم-قاتىناستار ناۋرىز قۇندىلىقتارىن وتە قاتتى قاستەرلەي­تىن حالىقتارىمىزدىڭ ەرىك-جىگەرىنىڭ ارقاسىندا كەڭەيىپ، نىعايا بەرەدى دەپ سەنە­مىن دەلىنگەن.

ارمەنيا پرەزيدەنتى ارمەن ساركيسيان بەرىك دوستىق پەن ءوزارا تۇسىنىس­تىككە نەگىزدەلگەن ارمەنيا مەن قازاق­ستان­نىڭ  جان-جاقتى قاتىناستارى دايەكتى تۇردە ودان ءارى دامي بەرەتىنىنە سەنىم بىلدىرگەن.

يران پرەزيدەنتى حاسان رۋحاني ءوزىنىڭ جەدەلحاتىندا ناۋرىز ەكى مەملەكەتتىڭ حالىقتارى ءۇشىن جاڭا مۇمكىندىكتەرگە جول اشىپ، الەمنىڭ بارلىق ەلىنە قۋانىش، يگىلىك، تىنىشتىق اكەلەدى دەپ ۇمىتتەنەتىنىن ايتقان.

يزرايل پرەزيدەنتى رەۋۆەن ءريۆلين­نىڭ جەدەلحاتىندا ناۋرىز بەن پاسحا مەرەكەلەرىن تويلاۋ سياقتى بابالارى­مىزدىڭ ەجەلگى داستۇرلەرى ەكى ەلدى جا­قىنداستىرادى جانە ەكىجاقتى قارىم-قاتىناستاردى نىعايتۋدىڭ بەرىك نەگىزى بولادى دەپ جازىلعان.

اۋعانستان پرەزيدەنتى اشراف عاني ناۋرىز مەرەكەسىمەن قۇتتىقتاي وتىرىپ، دوستىق قاتىناستاردى، بىرلىك پەن ەكونوميكالىق ءوسىمدى قولداۋعا باعىتتالعان ءىرى ايماقتىق باعدارلامالار مەن جوبالار اياسىنداعى ىنتىماقتاستىقتى ودان ءارى دامىتۋعا نيەتتى ەكەنىن ناقتىلاعان.

پالەستينا پرەزيدەنتى ماحمۋد ابباس قاسىم-جومارت توقاەۆقا زور دەنساۋلىق، باقىت تىلەپ، باۋىرلاس قازاقستان حالقىنىڭ بەرەكەسى ارتىپ، ءوسىپ-وركەندەي بەرۋىنە نيەتتەستىك بىلدىرگەن.

شانحاي ىنتىماقتاستىق ۇيىمى­نىڭ باس حاتشىسى ۆلاديمير نوروۆتىڭ جەدەلحاتىندا كۇن مەن ءتۇن تەڭەلەتىن كوكتەم مەرەكەسىنىڭ ادام مەن تابيعات اراسىنداعى ءوزارا ۇيلەسىمگە ىقپال ەتىپ، دوستىق پەن ىنتىماقتاستىقتىڭ التىن كوپىرى بولاتىنى، سونداي-اق مادەنيەتتەر مەن وركەنيەتتەر ديالوگىن بايىتىپ، دامىتاتىنى، قاۋىپسىز ءارى گۇلدەنگەن بولاشاق قالىپتاستىرۋعا سەپتىگىن تيگىزەتىنى، ونىڭ «شانحاي رۋحى» قاعيداتتارىنا تولىق ساي كەلەتىنى ايتىلعان.

ۇجىمدىق قاۋىپسىزدىك شارت ۇيى­­مى­نىڭ باس حاتشىسى ستانيسلاۆ زاس قازاق­ستاننىڭ ۇقشۇ اياسىنداعى وداق­تاس­تىق ءىس-قيمىلدار مەحانيزمىن نىعاي­­تۋعا، ۇجىمدىق قاۋىپسىزدىك شارت ۇيى­مىنا مۇ­شە مەملەكەتتەردىڭ حالىق­ارا­لىق جانە وڭىر­لىك الاڭدارداعى كۇش-جى­گەرىن ۇيلەستىرۋگە قوسقان ەلەۋلى ۇلەسىن اتاپ وتكەن.

تمد دىنارالىق كەڭەسىنىڭ تەڭتوراعا­سى كاۆكاز مۇسىلماندارى باسقارما­سىنىڭ توراعاسى شەيح-ۋل-يسلام اللاح­شۇكىر پاشا-زادەنىڭ جەدەلحاتىندا ناۋرىز مەرەكەسى اللا تاعالانىڭ بىزگە بەرگەن نىعمەتى جانە تابيعات پەن تىر­شى­لىكتىڭ قايتا تۇلەپ، كوكتەمگى كۇن مەن ءتۇن­نىڭ تەڭەلەتىن قۋانىشتى ءساتى ەكەنى اي­تىل­عان. سونداي-اق ول ءاربىر وتباسىنا بەي­بىت­شىلىك، قۇت-بەرەكە تىلەپ،  بارشا قازاق­ستان حالقىنىڭ ءوسىپ-وركەندەي بەرۋىنە نيەتتەستىك بىلدىرگەن.

 

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

ۇقساس جاڭالىقتار