ءۇشىنشى تولقىن باستالعانىن ەۋروپا كوميسسياسىنىڭ رەسمي وكىلى دانا سپينانت مالىمدەدى. ء«ۇشىنشى تولقىن باستالعانى سەزىلەدى. الايدا ەۋروپانىڭ كەي ەلىندە ناۋقاستار سانى تەز ۇلعايىپ بارادى, ياعني ۆيرۋس قارقىنى شاپشاڭ. ول ەكونوميكاعا ۇلكەن كەسىرىن تيگىزەرى انىق», دەدى رەسمي وكىل.
ەۋروكوميسسيا وكىلى بۇل جاعدايدان شىعار جالعىز جول رەتىندە ۆاكتسينالاۋدى ۇسىندى. جوعارىدا ايتىپ وتكەنىمىزدەي, جاقىندا ەۋروپا ەلدەرىنە ۆاكتسيناعا تاپسىرىس بەرۋ كەزىندە ەۋروپا كوميسسياسى ولقىلىق جىبەرگەن. توراعا ورىنباسارى فرانس تيممەرمانس كوروناۆيرۋسكە قاتىستى ستراتەگيا دايىنداۋ بارىسىندا بىرنەشە ماسەلەنىڭ نازاردان تىس قالعانىن جاسىرمادى. الايدا ءدال قازىر قانداي قاتەلىك كەتىپ, ونىڭ قانداي سالدارى بولارىن انىقتاۋ مۇمكىن ەمەس دەگەن ويدا. ء«دال قازىر تاپ باسىپ ايتۋ قيىن. نەنىڭ دۇرىس, نەنىڭ بۇرىس بولعانىن تەك پاندەميا اياقتالعان سوڭ بىلە الامىز. بۇگىن ەۋروپا حالقى تۇگەلدەي ۆاكتسينا العانى ماڭىزدى بولىپ وتىر», دەدى ف.تيممەرمانس.
ەۋروكوميسسيا جالپى العاندا 4 كومپانياعا 1,4 ملرد ۆاكتسيناعا تاپسىرىس بەرگەن. كومپانيالاردىڭ بارلىعى ەۋروپا ايماعىندا ليتسەنزيادان وتكەن. دەگەنمەن ەۋروپا حالقى بيلىكتەگىلەردىڭ شەشىم قابىلداۋى باياۋ دەپ سىنادى. ونىمەن قويماي, كەي ەل ەۋروپا وداعىنا اكەلىنگەن ۆاكتسينا مەملەكەتتەر اراسىندا تەڭ بولىنبەدى دەگەن پىكىر ايتادى.
ەۋروكوميسسيا دۇرىس نە بۇرىس دەگەن شەشىم ايتپاسا دا ايماقتا كوروناۆيرۋس ينفەكتسياسىنىڭ تارالۋى ۇدەپ بارادى.
ماسەلەن, ۇلىبريتانيادا ۆيرۋس جۇقتىرعاندار سانى ءبىر ميلليون ادامعا شاققاندا 1440 جاعدايدى قۇرايدى. بىراق بۇگىنگە دەيىن ۇلىبريتانياداعى ەرەسەكتەردىڭ تەڭ جارتىسى ۆاكتسينا ەكتىرىپ ۇلگەرگەن. مەملەكەتتىڭ دەنساۋلىق ساقتاۋ ءمينيسترى مەتت حەنكوك جەكسەنبىدە ازاماتتار ۆاكتسينا ەكتىرۋگە بەلسەنە قاتىسقانىن ايتادى. وسىلايشا, داعدارىستان شىعار كۇن جاقىن دەگەن وڭ پىكىرىمەن ءبولىستى. جەلتوقساننان بەرى 26,8 ملن بريتانيالىق ەكپە سالدىرعان.
ال پولشادا تاعى دا لوكداۋن جاريالاندى. دەنساۋلىق ساقتاۋ مينيسترلىگى سارسەنبىدە قاراشانىڭ اياعىنان باستاپ كوروناۆيرۋس جۇقتىرعانداردىڭ ەڭ كوپ سانىن تىركەدى. ءبىر كۇندە 26,4 مىڭ جاعداي انىقتالعان. ءبىر اپتا ىشىندە ناۋقاستار سانى 25 پايىزعا ءوسىپتى. جالپى العاندا 2 ميلليوننان استام ادام ۆيرۋس جۇقتىرسا, 50 مىڭعا جۋىعى باقيلىق بولعان.
گەرمانيادا كوروناۆيرۋسقا بايلانىستى ەرەجەلەرگە قارسى ميتينگ ءالى دە جالعاسۋدا. ەلدە جاعداي تۇراقسىز بولسا دا بەلسەندىلەر نارازىلىقتارىن توقتاتار ەمەس. وعان قوسا, ۇكىمەتتەگىلەر دە الداعى سايلاۋعا قاتىستى حالىقتىڭ كوڭىلىن باعۋدا. بيلىك بيىلعا بىرقاتار ساياسي اكتسيا جوسپارلاپ قويعان. الايدا ونىڭ ورىندالۋى ەكىتالاي بولىپ وتىر. شەكتەۋلەردەن شارشاعان حالىق پوليتسياعا كۇش كورسەتۋگە كوشكەن. كەشە كاسسەل قالاسىنداعى بەلسەندىلەر پوليتسيا دەپارتامەنتىنە شابۋىل جاساپ, قارۋ قولدانعان. قۇقىق قورعاۋ ورگاندارى دا قارسىلاسۋعا ءماجبۇر بولىپتى. Twitter جەلىسىندەگى پاراقشاسىندا ولار «بەيبىت شەرۋ مىناداي بولماۋى كەرەك» دەپ جازىپتى.
ماجارستاندا دا پاندەميا باستالعالى ەڭ ۇلكەن كورسەتكىشتەر جاڭا تولقىندا تىركەلگەن. مەديتسينا قۇرىلىمدارى كۇنىنە 6 مىڭنان استام ادام ىندەت جۇقتىراتىنىن مالىمدەدى. مۇنداعى ءولىم-ءجىتىم دەڭگەيى دە جوعارى. ەلدىڭ پرەمەر-ءمينيسترى ۆيكتور وربان بۇل كورسەتكىش ءالى دە كوبەيەتىنىن, اۋرۋحاناعا جاتۋشىلار سانى 8 مىڭنان 20 مىڭعا دەيىن جەتۋى مۇمكىن دەپ ەسكەرتتى. ماجارستان رەسەيدىڭ سپۋتنيك V ۆاكتسيناسىن قولدانۋدى ماقۇلداعان ەو-داعى العاشقى ەل بولدى. بۇگىنگە دەيىن حالىقتىڭ شامامەن 10 پايىزى ۆاكتسينا الىپ ۇلگەرگەن.
فرانتسيادا العاشقى 5 ميلليون ادام ۆاكتسينا الىپ ۇلگەرگەن. سەنبىدە ۇكىمەت لوكداۋن جاريالاناتىنىن حابارلادى. دەگەنمەن ەل ىشىندە ساپارلاۋعا تىيىم سالىنباعان. مۇندا ۆاكتسينانى كوروناۆيرۋسپەن كۇرەستە العى شەپتە جۇرگەن ازاماتتار الدى. الايدا ينتەنسيۆتى تەراپياداعى ناۋقاستاردىڭ سانى ازايعان جوق. بيلىك اۋرۋحانالارداعى جاعداي تۇراقسىز دەيدى, بىراق ولار جاپپاي ۆاكتسينالاۋ جولىندامىز دەپ حالىقتى سەندىرەدى. ءالى دە 60 ميلليون ادام ۆاكتسينالانۋى كەرەك.
سلوۆاكيادا دا ءولىم مەن ينفەكتسيا جۇقتىرۋدىڭ جاڭا جاعدايلارى كوبەيىپ تۇر. سەيسەنبىدە ەلدىڭ پرەمەر-ءمينيسترى يگور ماتوۆيچ ەو-نىڭ ءدارى-دارمەك اگەنتتىگىنە حالىق دەنساۋلىعىنا قاۋىپ ءتونىپ تۇرعانىن ەسكەرتىپ, رەسەيلىك ۆاكتسينانى ماقۇلداۋدى تەزدەتۋگە شاقىردى. بۇعان دەيىن ماتوۆيچ ەو شەشىمىن كۇتپەستەن جانە اليانستاعى كورشىلەرگە ەسكەرتۋسىز ەكى ميلليون دوزا سپۋتنيك V ۆاكتسيناسىن ساتىپ العان.
يسپان دارىگەرلەرى ەڭبەك جاعدايلارىن جاقسارتۋدى تالاپ ەتىپ, ەرەۋىلگە شىقتى. ء«بىز ابدەن تويدىق» دەگەن ۇرانمەن دارىگەرلەر 35 ساعاتتىق جۇمىس اپتاسىنا جەتۋ جانە تۇنگى اۋىسىمداردىڭ سانىن ازايتۋدى تالاپ ەتتى.
يتاليادا كۇن سايىن تىركەلەتىن جاڭا اۋرۋ جۇقتىرۋشىلار سانى اقپان ايىنىڭ ورتاسىنان باستاپ كوبەيە باستادى جانە بۇگىندە 3, 39 ملن-عا جەتتى. پاندەميا باستالعاننان بەرى مۇندا 105 مىڭنان استام ادام كوروناۆيرۋستان قايتىس بولدى. ىندەت سالدارىنان يتاليادا ورتاشا ءومىر ءسۇرۋ ۇزاقتىعى 2020 جىلى شامامەن 82,3 جىلعا دەيىن قىسقاردى, دەپ حابارلادى Istat ۇلتتىق ستاتيستيكا باسقارماسى. 2019 جىلى يتاليا وسى كورسەتكىش بويىنشا ەۋروپالىق وداقتا ءبىرىنشى ورىندا تۇرعان ەدى.
جەلتوقسان, قاڭتار ايلارىندا باستالعان ۆاكتسينالاۋ ەۋروپادا ازىرگە توقتاپ تۇر. ويتكەنى كوميسسيا AstraZeneca كومپانياسىنىڭ ۆاكتسيناسى قاننىڭ ۇيۋىنا الىپ كەلەدى دەگەن تۇجىرىمداما جاسادى. ونداي شەشىمگە ۆاكتسينا ەكتىرگەن دانيالىق ايەل مەن نورۆەگيالىق دارىگەردىڭ ءولىمى سەبەپ بولدى.
