قازاقستان • 21 ناۋرىز، 2021

ۇلتتىق تاعام ونىمدەرىن دايىنداۋ

55 رەت كورسەتىلدى

قازاق ۇلتتىق تاعام ونىمدەرىن – نەگىزىن مال شارۋاشىلىعىنىڭ ونىمدەرى: ەت، ءسۇت، دەسەرتتەر، پىسىرىلگەن نان ونىمدەرى، سۋسىندار قۇرايدى. دەليكاتەس تاعامداردى، نەگىزىنەن، جىلقى ەتىنەن جاسايدى – قازى، شۇجىق، جال، جايا، قارتا جانە ت.ب. نان ونىمدەردىڭ ىشىنەن ەڭ تانىمالدىسى - باۋىرساق. جالپى، ۇلتتىق تاعامداردى دايىنداۋ مەن ساتۋ تابىستى بيزنەس تۇرىنە جاتادى.

دايىنداۋ ءادىسى. قازاق ۇلتتىق تاعامدارىنىڭ دەسەرتى - جەنت، تالقان، بالقايماق جانە ت.ب.

جەنت. ونى دايىنداۋ ءۇشىن 1 كيلا جەنتكە  – 500 گر تارى، 400 گر ىرىمشىك، 200 گر قانت، 50 گر اس قاسىق كەپتىرىلگەن ءجۇزىم، 200 گر سارى ماي كەرەك. ىرىمشىك پەن تارىنى كەلىدە جايادى. قوسپانى قانت پەن كەپتىرىلگەن جۇزىممەن ارالاستىرادى، سارى ماي قوسىپ، قاتقانشا سۋىتادى. دايىن جەنتتى وتكىر پىشاقپەن كەسەدى.

تالقان. تالقاندى پىسىرىلگەن جانە تازارتىلعان تارى، بيداي مەن جۇگەرى قوسىپ، كەلىدە جايىپ، ەلەۋىشتەن وتكىزەدى. سارى مايمەن ءپىسىرۋ ءۇشىن 100 گر تارى، 100 گر سارى ماي كەرەك.  دايىن تالقاندى سارى مايمەن سىڭگەنشە ارالاستىرۋ كەرەك. تالقانعا – قايماق، ءسۇت، سورپا، سۋ، شيكى جۇمىرتقا ارالاستىرىلادى.

بالقايماق. تەرەڭ تابا نەمەسە قازانعا قايماق قۇيىپ، بەتىندە مايى پايدا بولعانعا دەيىن ارالاستىرىپ، قايناتادى. قايماقتى قايناتقان كەزدە، بال نە قانت قوسۋعا بولادى. ودان كەيىن قايماققا ۇن قوسىپ، جاقسىلاپ ارالاستىرىپ، تاعى 10 مينۋت قايناتامىز. ىستىق كۇيىندە اسقا پايدالانادى.

دايىنداۋ تەحنولوگياسى. بىرىنشىدەن - تاعامدار نەگىزىنەن ەت سورپاسى جانە ءسۇت ونىمدەردىڭ قوسىلۋىمەن دايىندالادى. تارىنى سارى ماي مەن مارگارينعا ءپىسىرۋ كەرەك. بۇل ءادىس  تارىنىڭ ءدامىن كەلتىرەدى.

ەتتەن جاسالاتىن  تاعامداردى (قوي، سيىر، جىلقى، تۇيە، قاراقۇيرىق، قۇس ەتى) دايىنداعاندا. كوكونىس، تارى، ۇن ونىمدەرىن ارالاستىرىلادى نەمەسە تازا كۇيىندە – كاۋاپ جاسايدى. ۇندى پايدالانعاندا ونىڭ جوعارى سورتى قاجەت. ۇن تاعامدارىن دايىنداعاندا، وعان ءسۇت، قايماق، قاتىق، ماي، جۇمىرتقا، قانت، سۋ، حوش ءيىستى جانە بوياعىش زاتتار قولدانىلادى.

جىلقى ەتىنەن ونىمدەر دايىنداۋ ءۇشىن (قازى، شۇجىق، جايا، جال، قارتا) سالقىنداتىلعان ەت، مايسىز ءتۇزۋ ىشەك،  اس تۇزى،  قارا بۇرىش ت.ب. قولدانىلادى.

ساتۋ. ەڭ ءتيىمدى ءادىس – مەيرامحانالار مەن دامحانالارمەن كەلىسىم-شارتقا تۇرۋ.

بولجامدى ەسەپتەۋلەر.

شىعىن:

جەنت ءۇشىن - 1 كيلو تالقان (ۇساقتالعان تارى) = 400 تەڭگە.، 200 گر قانت، 500 گر سارى ماي = 500 تەڭگە.، دامىنە قاراي ءجۇزىم مەن كازيناك قوسۋعا بولادى.

بالقايماق ءۇشىن - 1 ليتر قايماق، بيداي ۇنى، بال مەن قانت، دامىنە قاراي تۇز... – 700 تەڭگە.  بارلىعى: 1 600 تەڭگە.

تابىس:

1 كيلو جەنت = 1 200 تەڭگە، اپتاسىنا 10 كيلا ساتىلسا، 10 كيلو ح 1000 تەڭگە = 12 000 تەڭگە، ايىنا 12 000 تەڭگە  ح 30 كۇن = 360 000 تەڭگە.

1 كيلو بالقايماق = 1 000 تەڭگە، اپتاسىنا 10 كيلو ساتىلسا، وندا 10 كيلو ح 1 000 تەڭگە = 10 000 تەڭگە، ايىنا 10 000 تەڭگە ح 30 كۇن = 300 000 تەڭگە. بارلىعى: 660 000 تەڭگە.

سوڭعى جاڭالىقتار

شاپپا شوت پەن «قۇيرىقتى» پىشاق

ايماقتار • بۇگىن، 08:32

جاڭاوزەندەگى جىلىجاي

ايماقتار • بۇگىن، 08:30

توي تويلاۋ توقتاماي تۇر

كوروناۆيرۋس • بۇگىن، 08:24

تاۋار اينالىمىندا ءوسىم بار

ەكونوميكا • بۇگىن، 08:12

قۇبىجىق ءمۇسىن

ونەر • كەشە

كابۋلدان باستالعان كوش قازاق ەلىنە قالاي كەلدى؟

تاۋەلسىزدىكتىڭ 30 جىلدىعى • كەشە

ىندەت ءورشىپ بارادى

كوروناۆيرۋس • كەشە

التىنمەن پارا-پار تاۋەكەل

ەكونوميكا • كەشە

كوكپار تارتقان قىز

تانىم • كەشە

ۇقساس جاڭالىقتار