سولتۇستىك قازاقستان وبلىسىنىڭ اۋماعى ارقىلى وتەتىن حالىقارالىق جانە رەسپۋبليكالىق ماڭىزى بار جولدارعا «قازاقاۆتودور» جشس قىزمەت كورسەتەدى. ولار كۇن سايىن قار تازالايتىن 60 تەحنيكا شىعارادى. وبلىستىق جانە اۋداندىق ماڭىزى بار جولداردى كۇتىپ ۇستاۋ «پەتروپاۆل جولدارى» جشس مىندەتى. ولار 3 قوسالقى مەردىگەر ۇيىمنان 114 تەحنيكا جول تازالاۋعا شىعارادى. پەتروپاۆلدىڭ كوشە-جول جەلىسىنە 22 كوممۋنالدىق ۇيىم قارايدى. بيىل ولار كۇن سايىن 500-گە دەيىن تەحنيكا شىعاردى. قالانىڭ كولىك جۇرەتىن جولدارىن تازالاپ ۇلگەرىپ تۇردى, ەندى كاسىپورىندار تروتۋارلاردى تازارتۋعا كوشتى.
الايدا جول كۇتۋدە قاناعاتتانارلىق جۇمىس ىستەمەگەن سولتۇستىك قازاقستان وبلىسىنىڭ 60 لاۋازىمدى تۇلعاسى جاۋاپكەرشىلىككە تارتىلدى. «قاردىڭ ۋاقتىلى شىعارىلماۋىنان بولعان ءجۇرۋ بولىگىنىڭ تارىلۋى, قاتقان مۇز بەن نىعىزدالعان قار, كوكتايعاق — جول-كولىك وقيعالارىن ارتتىراتىن فاكتورلار», دەيدى سقو پد اكىمشىلىك پوليتسيا باسقارماسى جول جانە تەحنيكالىق ينسپەكتسياسى ءبولىمىنىڭ باستىعى, پوليتسيا پودپولكوۆنيگى نازار بايماتوۆ.
