- ءبىر مينۋت ىشىندە جۇزگە جۋىق كۇيسەگەن سيىردىڭ قيمىلى قوياننىڭ قيمىلىمەن بىردەي ەكەن.
- بۇقاعا قىزىل ءتۇس مۇلدەم اسەر ەتپەيدى, بۇقا قىزىل ماتاعا شاپپايدى. بۇل جانۋار ءتۇستى مۇلدەم ايىرا المايدى. الگى تورەادورعا شاباتىن سەبەبى, ويتكەنى ول بۇقانى شاپشاڭ قيمىلدارىمەن ادەيى اشۋلاندىرادى ەكەن.
- ساۋىن سيىر ءوز ومىرىندە ورتاشا العاندا 200 مىڭ ستاقان ءسۇت بەرەدى. الەمدەگى ەڭ ءىرى سيىردىڭ سالماعى 2,25 توننا.
- سيىرلار ادام نەمەسە دەلفين سەكىلدى جىلاۋ قاسيەتىن مەڭگەرگەن, ياعني كوزىنەن جاس اعىپ جىلايدى.
- جەر بەتىندە ەڭ ءجيى كەزدەسەتىن سۇتقورەكتىلەر – ادامدار, بىراق سيىرلار وسى ساناتتا ەكىنشى ورىندا.
- سيىردىڭ جەگەن نارسەسى ونىڭ كەيىن قانداي ءسۇت بەرەتىنىنە تىكەلەي بايلانىستى, ياعني نە بەرسەڭ, سونى ساۋىپ الاسىڭ.
- سيىرلار ورتاشا العاندا 20 جىلداي ءومىر سۇرەدى. بىراق ودان كوپ ءومىر سۇرەتىندەرى دە جوق ەمەس. ال بۇقالار ازىراق – 15 جىلداي.
- الەمدە تىرشىلىك ەتەتىن سيىرلاردىڭ جالپى سالماعى بۇكىل ادامداردىڭ سالماعىنان ءۇش ەسە ارتىق.
- سيىرلار قورشاعان ورتاعا اۆتوموبيلدەرگە قاراعاندا كوبىرەك زيان تيگىزەدى. ونىڭ كوڭى مەن ىشەكتەن شىعاراتىن گازى عالامشارىمىزعا شامامەن 18% ۇلەس جىلىجاي اسەرىن قوسادى.
- زوولوگتاردىڭ ايتۋىنشا, بۇل تىرشىلىك يەلەرى 11 ءتۇرلى ينتوناتسيامەن موڭىرەي الادى. سيىر عالامشارىمىزدىڭ ماگنيت ءورىسىنىڭ سىزىقتارى بويىندا ورنالاسىپ جاتىپ تىنىعادى. ءيا, سيىرلار بىزگە قاراعاندا, وندايدى جاقسى سەزىنەدى.
- كۋبا ەلىندە سيىردى ولتىرگەن ادام ولتىرگەننەن دە اۋىر جازاعا تارتىلادى.
- كوپتەگەن حالىق اراسىندا اينالىمدا اقشا پايدا بولعانعا دەيىن سيىر ۆاليۋتانىڭ ءبىر ءتۇرى جانە جالپى العاندا, باسقا ماتەريالدىق قۇندىلىق ولشەمى بولعان.
- ءبىر تابىن سيىر, شامامەن ەلۋ سيىر دەلىك, تاۋلىگىنە ءبىر توننا ءسۇت بەرەدى.
- سيىرعا ات قويۋعا بولادى, ويتكەنى ول اتىن ەسىنە ساقتاپ, داۋىستاپ اتاعاندا ەلەڭدەپ, مىسالى, يت سياقتى بايلانىس ورناتا الادى.
- سيىر ءوزى جاقسى كورەتىن ادامدى تىلىمەن جالاعاندى ۇناتادى. سيىردىڭ كورۋ قابىلەتى بارىنشا جاقسى, ول قوجايىنىن تانىپ, ءتۇرىن ەسىنە ساقتاي الادى.
دايىنداعان
اكىم قوجا ۇلى
