وبلىستىق تجد حابارلاعانداي, وساكاروۆ اۋدانى نيكولاەۆكا اۋىلىنىڭ ماڭىندا سابىرقوجا وزەنىندە جارىلىس جۇمىستارى جۇرگىزىلدى.
قۇتقارۋشىلار تۇرعىنداردان اباي بولۋدى سۇرايدى.
«ەش جاعدايدا مۇزعا شىقپاڭىزدار, سەبەبى جارىلىس تولقىنىنان مۇز بەتىندە جارىقتار پايدا بولادى. كوكتەمدە سۋ قويمالارىندا مۇز ۇستىنەن ءوتۋ وتە قاۋىپتى», دەپ ەسكەرتەدى ۆەدومستۆودا.
وڭىردە قار شىعارۋ, سۋ وتكىزۋ قۇرىلىستارىن تازالاۋ سەكىلدى باسقا دا جۇمىستار جالعاسۋدا. تجد مالىمەتىنشە, ەلدى مەكەندەردەن ميلليون تەكشە مەتردەن استام قار شىعارىلدى. 1 600-دەن استام سۋ وتكىزۋ قۇرىلىستارى تازارتىلدى.
سونىمەن قاتار, نەگىزگى سۋ قويمالارىنان سۋ اعىزۋ ءجۇرىپ جاتىر.
