شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 18 ناۋرىزدا جولدا قالعان 4 ادام قۇتقارۋشىلاردان كومەك سۇرادى. ەكى بالاسى بار ايەل جانە ونىڭ تۋىسى دەمالىس بازاسىنا بارىپ, قايتار جولدا كولىكتەرى قارعا باتىپ قالعان.
«قۇتقارۋشىلار كوپ ۇزاماي اۋداندىق ماڭىزى بار «التاي-چيستىە كليۋچي» جول ۋچاسكەسىنە كەلىپ جەتىپ, جول تالعامايتىن كولىكپەن 4 ادامدى التايكا اۋىلىنا دەيىن جەتكىزدى. ولاردىڭ دەنساۋلىعىنا ەشقانداي زاقىم كەلمەگەن», دەپ حابارلادى ۆەدومستۆو وكىلدەرى.
وسى رەتتە, دەپارتامەنت ماماندارى ءوڭىر تۇرعىندارىنا قولايسىز اۋا-رايى كەزىندە ەلدى مەكەننەن الىس ساپارعا شىعۋعا بولمايتىندىعىن ەسكەرتەدى. جولداردىڭ جاي-كۇيىن «دارمەن» ءموبيلدى قوسىمشاسى ارقىلى ءبىلىپ وتىرعان ءجون. ەگەر قانداي دا ءبىر قيىندىققا تاپ بولساڭىز «112» نومىرىنە حابارلاسا الاسىز.
