ايماقتار • 19 ناۋرىز، 2021

تاراز قالاسىنىڭ اكىمى اۋىستى

2550 رەت كورسەتىلدى

تاريحي شاھاردىڭ جاڭا اكىمىن قالا اكتيۆىنە وبلىس اكىمى بەردىبەك ساپارباەۆ تانىستىردى، دەپ حابارلايدى Egemen.kz.

بۇگىن قازاقستان رەسپۋبليكاسى پرەزيدەنتى اكىمشىلىگىنىڭ جانە تاراز قالالىق ءماسليحات دەپۋتاتتارىنىڭ كەلىسىمى نەگىزىندە جامبىل وبلىسى اكىمىنىڭ وكىمىمەن وسى ۋاقىتقا دەيىن وبلىس اكىمىنىڭ ورىنباسارى قىزمەتىن اتقارىپ كەلگەن ەرجان جىلقىباەۆ تاراز قالاسىنىڭ اكىمى بولىپ تاعايىندالدى.

ء وڭىر باسشىسى وسى ۋاقىتقا دەيىن قالانى باسقارىپ كەلگەن ايتقازى قارابالاەۆتىڭ اتقارعان جۇمىسىنا راحمەت ايتا كەلىپ، تاراز وبلىس ورتالىعى بولعاننان كەيىن ونىڭ دامۋى ايماقتىڭ دامۋىنا تىكەلەي بايلانىستى ەكەنىن اتاپ ءوتتى. «ەرجان جىلقىباەۆ ءبىراز جەردە قىزمەت اتقاردى، سىننان ءوتتى. تارازدىڭ دامۋىنا بار تاجىريبەسىن سالادى دەپ سەنەمىن. ەڭ باستىسى، بىرىگىپ جۇمىس ىستەۋ كەرەك. تاراز – مادەني، تۋريزم ورداسى بولۋى كەرەك. بىلتىرعى جىلى قوردايعا كوپ كوڭىل بولىنسە، بيىل تارازعا ەرەكشە نازار اۋدارىلماق. حالىقتىڭ جاعدايىن جاقسارتۋ، الەۋمەتتىك نىساندار سالۋ، ينفراقۇرىلىمدى دامىتۋعا، قالانىڭ كەلبەتىن جاقسارتۋعا كوڭىل بولىنەدى»، دەدى بەردىبەك ساپارباەۆ. ءوز سوزىندە ايتقازى قارابالاەۆ تاراز جۇرتشىلىعىنا العىس ءبىلدىردى. ال جاڭا تاعايىندالعان اكىم ەرجان جىلقىباەۆ وزىنە ارتىلعان سەنىمدى اقتايتىنىن ايتىپ، ۋادە بەردى.

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

ۇقساس جاڭالىقتار