ەلوردادا تسيفرلىق شەشىمدەر ارقىلى قالا تۇرعىندارىنىڭ ءومىرىن جاقسارتۋ جانە قولايلى جاعداي جاساۋ ماقساتىندا 2020 جىلدىڭ قىركۇيەگىندە IT-كەڭەس قۇرىلدى.
سپيكەر قۇرىلعان كەڭەستىڭ باستى مىندەتى IT-يندۋسترياعا قاتىسۋشىلاردى بىرىكتىرۋ ەكەنىن ايتىپ ءوتتى. مۇندا اركىمنىڭ تسيفرلاندىرۋ سالاسىنداعى قالانىڭ بىرىڭعاي ەكوجۇيەسىن ىسكە اسىرۋعا قاتىستى ءوز كوزقاراسىن بىلدىرۋگە, قالا تۇرعىندارىنا ىڭعايلى بولۋى ءۇشىن تسيفرلىق جوبانى تانىستىرۋعا, سونداي-اق بولاشاق IT-جوبالاردى ىسكە اسىرۋ بويىنشا ۇسىنىستارىمەن بولىسۋگە مۇمكىندىگى بار.
«IT-كەڭەس تسيفرلاندىرۋعا تارتىلعان بارلىق تاراپتار ءۇشىن ىڭعايلىلىقتى, اشىقتىقتى, ترانسپارەنتتىلىكتى ۇسىنادى. IT-كەڭەستىڭ قۇرامىنا جەتەكشى تسيفرلىق كومپانيالاردىڭ, عىلىم مەن مەملەكەتتىك ورگانداردىڭ وكىلدەرى كىردى. وتىرىس بارىسىندا IT-قاۋىمداستىق ءوز جوبالارىن تانىستىرادى, سونداي-اق يننوۆاتسيالاردى ەنگىزۋدىڭ تيىمدىلىگىن كورنەكى كورسەتەدى. ەندى زاماناۋي يننوۆاتسيالاردى ەنگىزۋ ارقىلى ەلوردا تۇرعىندارىنىڭ ءومىر ءسۇرۋ ساپاسىن جاقسارتۋ ءۇشىن مۇنداي جۇمىس فورماتى جۇيەلى تۇردە جۇرگىزىلەتىن بولادى. قارالعان 11 جوبا بويىنشا كەڭەس مۇشەلەرى مەن IT قاۋىمداستىق كوپتەگەن ماسەلەلەردى كوتەردى. ءاربىر ماسەلە بويىنشا اكىمدىكتىڭ ناقتى جۇمىسى جۇرگىزىلىپ جاتىر», دەدى Astana Innovations يننوۆاتسيالىق ەكوجۇيەنى دامىتۋ ورتالىعىنىڭ جەتەكشىسى جاسۇلان كەنجەعاليەۆ.
2020 جىلى IT-كەڭەستىڭ ءۇش وتىرىسى ءوتتى. ولاردىڭ قورىتىندىسى بويىنشا «بۇلتتى جۇيە» موديفيكاتسيالاندى, «اقىلدى ليۋك» پيلوتتىق جوباسى ىسكە قوسىلدى, № 10, № 87, № 54 مەكتەپتەردە بەيىندى پاندەردىڭ ءبىلىم بەرۋ باعدارلاماسىن ۆيزۋاليزاتسيالاۋ بويىنشا Roqed Science باعدارلاماسى ەنگىزىلدى, ەلوردانىڭ گەوپورتالى جاڭعىرتىلدى, قوقىس شىعارۋ بويىنشا جۇمىس اۆتوماتتاندىرىلدى.
«بيىل اكىمدىك بىرقاتار مىندەتتى جوسپارلادى, وندا IT-كەڭەس ەلوردانىڭ ءوسۋى مەن دامۋىنىڭ بىرىڭعاي درايۆەرى بولىپ سانالادى. الداعى IT-كەڭەسكە تسيفرلىق شەشىمنىڭ قاتىسۋىنا نەمەسە تانىستىرىلىمىنا قاتىستى ناقتىلايتىن ماسەلەلەردى نۇر-سۇلتان قالاسىنىڭ تسيفرلاندىرۋ جانە مەملەكەتتىك قىزمەتتەر باسقارماسىنا جولداي الاسىز», دەپ قوستى دانيال ايتكەنوۆ.
