ۇلتتىق بانكتىڭ مالىمەتىشە, جىلدىق ينفلياتسيا 7,4% دەڭگەيىندە ساقتالدى. ازىق-ت ۇلىك باعاسىنىڭ ءوسۋى جەدەلدەتۋدى جالعاستىردى.رەتتەلەتىن كوممۋنالدىق قىزمەتتەردىڭ تاريفتەرى تومەندەدى. رەتتەلەتىن كوممۋنالدىق قىزمەتتەردىڭ تاريفتەرى تومەندەدى 2021 جىلعى اقپاندا ينفلياتسيا 0,7% قۇرادى, جىلدىق ماندە وزگەرىسسىز قالدى –7,4%. ينفلياتسياعا نەگىزگى ۇلەس بۇرىنعىداي ازىق-ت ۇلىك تاۋارلارىنا باعانىڭ ءوسۋى ىقپال ەتەدى, اقپان ايىندا ازىق-ت ۇلىك ينفلياتسياسىنىڭ 11,6% دەيىن ازداپ جەدەلدەۋى تىركەلدى (2021 جىلعى قاڭتاردا – 11,4%). كۇنباعىس مايىنىڭ (41,9%, گ/گ), قانتتىڭ (39,1%), جۇمىرتقانىڭ (32,9%) ودان ءارى قىمباتتاۋى بايقالدى. سونىمەن قاتار, ۇننىڭ, جارما مەن ناننىڭ جەكەلەگەن تۇرلەرى قىمباتتادى.
قۇس ەتىنىڭ دە باعاسى ءوستى. الەمدىك ازىق-ت ۇلىك نارىقتارىندا ءىس جۇزىندە بارلىق ءونىم تۇرلەرىنىڭ قىمباتتاۋى جالعاسۋدا, اتاپ ايتقاندا, 2021 جىلعى اقپاندا قانت پەن وسىمدىك مايلارىنا ەڭ جوعارى ءوسۋ قارقىنى بايقالدى.
باعانىڭ ەڭ ۇلكەن ءوسىمى تاماق ونىمدەرى وندىرىسىندە 13,1%-عا سونىڭ ىشىندە وسىمدىك جانە جانۋار مايلارى (37,3%), قانت (23,1%), ۇن-جارما ونىمدەرى (15,8%) وندىرىسىندە تىركەلدى. اۋىل شارۋاشىلىعى سالاسىندا جۇمىرتقا (44,5%), مايلى تۇقىمدار (30,8%), كارتوپ (22,9%) باعاسىنىڭ جىلدىق ءوسۋى بايقالدى. ازىق-ت ۇلىك ەمەس تاۋارلاردىڭ جىلدىق ينفلياتسياسى 2021 جىلعى اقپاندا 5,2%-عا دەيىن باياۋلادى (2021 جىلعى قاڭتاردا – 5,3%). ينفلياتسيا قۇرىلىمىندا ازىق-ت ۇلىك ەمەس تاۋارلاردىڭ كوپشىلىگى قالىپتى ءوسۋ قارقىنىن كورسەتتى.
ءدارى-دارمەكتەر مەن جەكە تاۋارلارعا باعانىڭ ءوسۋى باياۋلادى. 2020 جىلعى قاڭتار-اقپانداعى جوعارى بازانىڭ اياسىندا بەنزين (1,9%-عا تومەندەۋ, ج/ج) جانە ديزەل وتىنى (7,1%-عا تومەندەۋ, ج/ج) باعالارىنىڭ دەفلياتسيالىق سەرپىنى تىركەلدى (بەنزينگە اكتسيزدەر ارتتى).
سونىمەن قاتار, قۇرىلىس ماتەريالدارىنىڭ, سونداي-اق كيىم مەن اياق كيىمنىڭ كوپتەگەن تۇرلەرىنىڭ, اتاپ ايتقاندا بالالار كيىمدەرى مەن باس كيىمدەردىڭ قىمباتتاۋى بايقالدى. اقىلى قىزمەتتەر باعاسىنىڭ جىلدىق ءوسۋى 2020 جىلدىڭ اقپان ايىندا كوممۋنالدىق قىزمەتتەر تاريفتەرىنىڭ جىل باسىنا ءتان ەمەس تومەندەۋ ناتيجەسىندە 3,9%-عا دەيىن باياۋلادى (2021 جىلعى قاڭتاردا – 4,1%). جالپى, رەتتەلەتىن كوممۋنالدىق قىزمەتتەر جىلدىق ماندە 0,1%-عا ارزاندادى.
