كوشە اتاۋلارىنىن وزگەرتۋ تۋرالى باستاما ونوماستيكا زاڭناماسىنا سايكەس اشىق تۇردە كوپشىلىكتىڭ داۋىس بەرۋىمەن جۇزەگە اسادى. بۇگىنگى تاڭدا تۇرعىنداردىڭ پىكىرى سۇرالىپ, كوبى بۇل تاريحي وزگەرىستى قولداعان. جاڭا اتاۋعا ۇسىنىلعان كوشەنىڭ العاشقىسى ءال-فارابي.
اۋدان ورتىلىعىنداعى ەڭ ۇلكەن كوشە 232 ءۇي, اۋداندىق كىتاپحانا, بىرنەشە ماڭىزدى الەۋمەتتىك ماڭىزدى نىسان ورنالاسقان. شونجىداعى تاعى نەگىزگى ءبىر كوشەگە قازاقتىڭ باس اقىنى اباي قۇنانباي ۇلىنىڭ اتى بەرىلسە دەپ ايتىلدى. سونداي-اق بيىل 90-جىلدىق مەرەيتويى اتالىپ وتىلەتىن مۇقاعالي ماقاتاەۆ اتىنا دا كوشەگە بەرىلمەك.
وعان قوسا قارا دالا مەكەنىن دامىتۋعا زور ۇلەس قوسقان كەنتال يسلاموۆ, نۋرشيدين اپپازوۆ, ابدۋللا روزىباكيەۆتەردىڭ ەسىمىن اۋدان ورتالىعىندا جاڭادان سالىنىپ جاتقان ءۇش كوشەگە بەرۋ ۇسىنىلدى.
اتالعان اتاۋلاردى بەرۋ جانە ونى قايتا اتاۋ تۋرالى ماسەلەلەر جەرگىلىكتى اتقارۋشى ورگانداردىڭ بىرلەسكەن شەشىمىمەن وبلىستىق ونوماستيكا كوميسسياسىنىڭ قاراۋىنا جىبەردى. الداعى جەتى كۇننەن كەيىن شەشىم قابىلدانىپ, زاڭدى كۇشىنە ەنەتىن بولدى.
اۋىل تۇرعىنى سايداحمەت قاسىموۆ الەمگە ايگىلى ءال-فارابي مەن اباي قۇنانباي ۇلىنىڭ ەسىمدەرىن اۋىل كوشەلەرىنە باياعى-اق بەرۋ كەرەك ەدى. بۇل ۇسىنىستى بىزدە اۋىل تۇرعاندارى بولىپ قولدايتىنىن ايتتى.
وسى ورايدا اۋداندىق ءماسليحات حاتشىسى نۇراكىم ەسجانوۆتىڭ ايتۋىنشا, وزگەرگەن كوشە اتاۋلارى جەتى كۇننىڭ ىشىندە كۇشىنە ەنەدى.
