وتىرىسقا مينيسترلىكتەر مەن ۆەدومستۆولاردىڭ, ۇلتتىق كومپانيالاردىڭ وكىلدەرى, سونداي-اق ەكى تاراپتىڭ ءتيىستى ۇيىمدارىنىڭ شاقىرىلعان وكىلدەرى قاتىستى.
ساپار اياسىندا رومان سكليار تاجىكستان پرەمەر-ءمينيسترى كوحير راسۋلزودامەن كەزدەستى, وندا ساۋدا-ەكونوميكالىق, ونەركاسىپتىك جانە قۇرىلىس سالالارىنداعى ىنتىماقتاستىقتىڭ كەڭ اۋقىمدى ماسەلەلەرى قارالدى. رومان سكليار مەن كوميسسيانىڭ تەڭ توراعاسى – تاجىكستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى داۆلاتالي سايدتىڭ كەزدەسۋىندە ەكى ەلدىڭ اۋىل شارۋاشىلىعى, ازىق-ت ۇلىك قاۋىپسىزدىگى, ەنەرگەتيكا جانە سۋ رەسۋرستارى, كولىك جانە ازاماتتىق اۆياتسيا سالاسىنداعى ءوزارا ءىس-قيمىل تاقىرىپتارى كورىنىس تاپتى.
سونداي-اق 2019 جىلعى ساۋىردە نۇر-سۇلتاندا وتكەن كوميسسيانىڭ XV وتىرىسىنىڭ شەشىمدەرىن ىسكە اسىرۋ بارىسى قارالدى.
كوميسسيا وتىرىسىندا قازاقستان-تاجىكستان ءوزارا ءىس-قيمىلىنىڭ نەگىزگى باعىتتارى بويىنشا يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ پەن قازاقستان رەسپۋبليكاسىنىڭ ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ءسوز سويلەدى. كەزدەسۋگە قاتىسۋشىلار ەكىجاقتى ىنتىماقتاستىقتى ودان ءارى نىعايتۋ جانە ءوزارا ءتيىمدى بىرلەسكەن جوبالاردى ىسكە اسىرۋ بويىنشا بىرلەسكەن كۇش-جىگەردىڭ ناتيجەلىلىگىن اتاپ ءوتتى. وتىرىس قورىتىندىسى بويىنشا قول جەتكىزىلگەن كەلىسىمدەردى ىسكە اسىرۋ تۋرالى حاتتاماعا قول قويىلدى.
